பிக்பாஸ் நிகழ்ச்சியில் லட்சுமி ராமகிருஷ்ணன்.? அவரே கூறிய விளக்கம்.!

பிக்பாஸ் நிகழ்ச்சியில் தான் கலந்து கொள்வதாக பரவும் தகவல் குறித்து நடிகை லட்சுமி ராமகிருஷ்ணன் விளக்கம் அளித்துள்ளார். 

அணைத்து தரப்பு ரசிகர்களால் அதிகம் பார்க்க எதிர்பார்த்து காத்துள்ள நிகழ்ச்சிகளில் ஒன்று பிக் பாஸ். இதுவரை 4 சீசன்கள் முடிந்துள்ளது. விரைவில் 5-வது சீசனும் ஒளிபரப்பாகவுள்ளது. அதற்கான ப்ரோமோ வீடியோவும் கடந்த சில நாட்களுக்கு முன்பு வெளியாகி ரசிகர்களுக்கு மத்தியில் எதிர்பார்ப்பை அதிகமாக்கியது என்றே கூறலாம்.

 ப்ரோமோவில் ஒளிபரப்பாகும் தேதி அறிவிக்கப்படாமல் விரைவில் மட்டுமே அறிவித்திருந்தனர். இந்நிலையில், பிக் பாஸ் சீசன் 5- வில் எந்த பிரபலங்கள் கலந்து கொள்ள போகிறார்கள், எப்போது ஒளிபரப்பாகிறது என்ற எதிர்ப்பு நிலவியுள்ளது.

அவ்வப்போது சமூக வலைத்தளத்தில் பிக் பாஸ் சீசன் 5- வில் கலந்து கொள்ளும் பிரபலங்கள் என பிரியங்கா, ஷகீலாவின் மகள் மிலா, பவனி ரெட்டி, ஆகியோர் கலந்து கொள்ளவுள்ளதாக தகவல்கள் உலாவி வருகிறது.

அந்த வகையில், கடந்த 4-வது சீசன் நடைபெறும் போதும், இப்போதும் நடிகையும் இயக்குனருமான லட்சுமி ராமகிருஷ்ணன் கலந்து கொள்வதாக தகவல்கள் பரவி வந்தது. அதற்கு தனது டிவிட்டர் பக்கத்தில் லட்சுமி ராமகிருஷ்ணன் விளக்கம் அளித்துள்ளார்.

இதுகுறித்து அவர் ட்விட்டர் பக்கத்தில் ” பிக்பாஸ் போட்டியாளர் பட்டியலில், ஒவ்வொரு சீசனிலும் எனது பெயரை நான் பார்க்கிறேன். நான் பிக் பாஸ் சீசன் 5- வில்  இல்லை, தயவுசெய்து பட்டியலில் இருந்து என் பெயரை நீக்கவும்” என பதிவிட்டுள்ளார்.