கோவையில் பாஜக அலுவலகத்தில் பெட்ரோல் குண்டு வீசிய 2 பேர் கைது!

போலீசார், கோவையில் பாஜக அலுவலகத்தில் பெட்ரோல் குண்டு வீசப்பட்ட சம்பவம் தொடர்பாக இரண்டு பேரை  கைது செய்துள்ளனர்.கோவை காந்திபுரம் சித்தாபுதூர் விகேகே மேனன் சாலையில் பாரதிய ஜனதா கட்சியின் மாவட்ட தலைமை அலுவலகம் உள்ளது.

எப்போதும் போலீஸ் பாதுகாப்பு போடப்பட்டிருக்கும் இந்த அலுவலகத்தில் அதிகாலை மூன்றரை மணியளவில் இருசக்கர வாகனத்தில் வந்த மூன்று பேர் 2 பெட்ரோல் குண்டுகளை வீசிவிட்டு தப்பியோடினர்.

இப்பகுதியில் வைக்கப்பட்டிருந்த சிசிடிவி காட்சிகளைக் கொண்டு நடத்திய விசாரணையில், பெட்ரோல் குண்டுகளை வீசியவர்கள் தந்தை பெரியார் திராவிடர் கழகத்தைச் சேர்ந்த ஜீவானந்தம் மற்றும் பாலன் என்பது தெரியவந்தது. இதையடுத்து இருவரையும் போலீசார் கைது செய்து விசாரணை நடத்தி வருகின்றனர்.

மேலும் செய்திகளுக்கு தினச்சுவடுடன் இணைந்திருங்கள்.