கீர்த்தி சுரேஷின் ‘பெங்குயின்’ படத்தின் டீசர் செய்த சாதனை.!
கீர்த்தி சுரேஷ் நடிப்பில் உருவாகியுள்ள பெங்குயின் படத்தின் டீசர் யூடியூபில் நம்பர் 1 இடத்தை பெற்று சாதனை படைத்துள்ளது.
கார்த்திக் சுப்புராஜின் ஸ்டோன் பெஞ்ச் பிலிம்ஸ் நிறுவனம் தயாரிப்பில் ஈஸ்வர் கார்த்திக் இயக்கத்தில் கீர்த்தி சுரேஷ் நடித்து முடித்திருக்கும் திரைப்படம் ‘பெங்குயின்’. ஹீரோயினுக்கு கதாபாத்திரத்திற்கு முக்கியத்துவம் வாய்ந்த இந்த படத்தில் கீர்த்தி சுரேஷ் கர்ப்பிணி பெண். இந்த படத்தில் மாதம்பட்டி ரங்கராஜ், லிங்கா உட்பட பலர் முக்கிய வேடங்களில் நடித்துள்ளனர். கார்த்திக் பழனி ஒளிப்பதிவு செய்யும் இந்த படத்திற்கு சந்தோஷ் நாராயணன் இசையமைத்துள்ளார். இந்த படம் ஒடிடி பிளாட்பாரத்தில் வருகிற ஜீன் மாதம் 19ம் தேதி தமிழ், தெலுங்கு, மலையாளம் மற்றும் இந்தி ஆகிய மொழிகளில் வெளியாகும் என்று கூறப்பட்டிருந்தது.
நேற்றைய தினம் இந்த படத்தின் டீசரை தென்னிந்திய சினிமாயுலகில் பிரபல நடிகைகளாக வலம் வரும் திரிஷா, சமந்தா, மஞ்சு வாரியர் மற்றும் டாப்சி அவர்களால் வெளியிடப்பட்டது. ஒரு அம்மாவின் கதையாக உருவாகியுள்ள இந்த படத்தின் டீசர் பெரிய அளவில் ரீச்சானது. இந்த நிலையில் தற்போது கீர்த்தி சுரேஷின் பெங்குயின் படத்தின் டீசர் யூடியூபில் நம்பர் 1 இடத்தை பெற்று டிரெண்டிங்கில் உள்ளது. அது மட்டுமின்றி 24 மணி நேரத்தில் 3.5 மில்லியனுக்கு மேலான பார்வையாளர்களையும், 50K லைக்குகளையும் பெற்று மிகப் பெரும் சாதனையை படைத்துள்ளது.
