ஹீரோ பட இயக்குனருடன் இணைந்த கார்த்தி..!

கார்த்தியின் 22 வது படத்தை இயக்குனர் பி எஸ் மித்ரன் இயக்கவுள்ளார்.

நடிகர் கார்த்தி தமிழ் சினிமாவில் முன்னணி நடிகராக வலம் வருகிறார். தற்போது இவர் பாக்கிய ராஜ் கண்ணன் இயக்கத்தில் சுல்தான் படத்தில் நடித்து முடித்துள்ளார். இந்த திரைப்படம் வருகின்ற ஏப்ரல் 2 ஆம் தேதி திரையரங்குகளில் வெளியாகவுள்ளது. இந்த படத்தை தொடர்நது இயக்குனர் மணி ரத்னம் இயக்கத்தில் பிரமாண்டமாக உருவாகி வரும் பொன்னியின் செல்வன் படத்தில் நடித்து வருகிறார். விரைவில் இந்த படத்திற்கான படப்பிடிப்பை முடித்து விடுவார்.

இந்த நிலையில் அடுத்ததாக நடிகர் கார்த்தியின் 22 வது படத்தை எந்த இயக்குனர் இயக்கப்போகிறார் என்ற கேள்விக்கு தற்போது விடைகிடைத்துள்ளது. ஆம் நடிகர் கார்த்தியின் 22 வது படத்தை ஹீரோ படத்தை இயக்கிய பி எஸ் மித்ரன் இயக்கவுள்ளார். படத்திற்கு இசையமைப்பாளர் ஜிவி பிரகாஷ் இசையமைக்கிறார். இந்த படத்திற்கான பூஜை நேற்று நடைபெற்றது.