“பெண் அதிபராகும் தகுதி கமலா ஹாரிஸூக்கு இல்லை”- டிரம்ப்!
அமெரிக்காவின் முதல் பெண் அதிபராக தகுதி கமலா ஹாரிஸூக்கு இல்லையெனவும், அந்த தகுதிகள் இவாங்காவிடம் இருப்பதாக டிரம்ப் தெரிவித்துள்ளார்.
அமெரிக்காவில் தேர்தல் தொடங்க இன்னும் 80 நாட்களுக்கும் குறைவே உள்ள நிலையில், அங்கு தேர்தல் பணிகள் விறுவிறுப்பாக நடந்து வருகிறது. இந்த தேர்தலில் முக்கியமாக இரண்டு கட்சிகள் கருதப்படுகிறது. அது ஜனநாயக கட்சி மற்றும் குடியரசு கட்சி. குடியரசு கட்சி சார்பாக தற்பொழுதுள்ள அதிபர் டிரம்ப் போட்டியிடுகிறார்.
மேலும், ஜனநாயக கட்சியின் சார்பாக முன்னாள் துணை அதிபரான ஜோ பைடன் போட்டியிடுகிறார். துணை அதிபராக இந்திய வம்சாவளி பெண்ணான கமலா ஹாரிஸ் போட்டியிடுகிறார். இவர்களின் கூட்டணியை அமெரிக்க அதிபர் டிரம்ப், தொடர்ந்து விமர்சித்து கொண்டே வருகிறார்.
அந்தவகையில், குடியரசு கட்சியின் மாநாட்டில் பேசிய அதிபர் டிரம்ப், அமெரிக்காவின் முதல் பெண் அதிபரை நான் பார்க்க விரும்புகிறேன் என தெரிவித்த அவர், கமலா ஹாரிஸ் வருவதைப் பார்க்க நான் விரும்பவில்லை எனக் கூறி, கமலா ஹாரிஸூக்கு அந்த தகுதி இல்லை என விமர்சித்தார். மேலும் பேசிய அவர், அந்த தகுதிகள் இவாங்காவிடம் இருப்பதாகவும், இவான்கா அதிபராக வேண்டும் என மக்கள் பலரும் விரும்புவதாக அதிபர் டிரம்ப் தெரிவித்துள்ளார்.
