'இருவரின் சித்தாந்தங்கள் மாறினாலும் நட்பு மாறாது' – ரஜினி நட்பு குறித்து கமலஹாசன் உருக்கம்!

உலகநாயகன் கமல்ஹானுக்கு அண்மையில் 65வது பிறந்தநாள் கொண்டாடப்பட்டது. அவர் திரையுலகிற்கு வந்து 60 ஆண்டுகளாகி விட்டது. இதனை பாராட்டும் விதமாக நேற்று சென்னையில் நட்சத்திர கலைவிழா நடைபெற்றது. அதில், கமல்ஹாசன், ரஜினிகாந்த் உள்ளிட்ட பல திரை நட்சத்திரங்கள் கலந்துகொண்டனர்.
அதில் பேசிய கமல்ஹாசன்,ரஜினியுடனான நட்பு குறித்து பேசி மகிழ்ந்தார். ‘ எங்கள் இருவரது சித்தாந்தமும் வேறு. அதனால் ரசிகர்கள் தங்களுக்குள் சண்டையிட்டு கொள்ள கூடாது. சித்தாந்தம் வேறு வேறாக இருந்தாலும் எங்களது நட்பு மாறாது. இந்தியன்2 திரைப்படம் எனது அரசியலுக்கு உதவும் படமாக இருக்கும்.  ரஜினிகாந்த் நிறைய ஜெயித்து விட்டார். அதனால் அவர் நினைத்ததை பேசிவிடுவார். ‘ என  தனது கருத்தை மேடையில் பதிவிட்டார் உலகநாயகன் கமல்ஹாசன்.