ரசிகர்களை திருப்திபடுத்த மீண்டும் வெளியான காப்பான் பட புதிய ட்ரெய்லர்!

கே.வி.ஆனந்த் இயக்கத்தில் சூர்யா நடித்து செப்டம்பர் 20இல் வெளியாக உள்ள திரைப்படம் காப்பான். இவர்கள் கூட்டணியில் ஏற்கனவே, அயன், மாற்றான் ஆகிய திரைப்படங்கள் வெளியாகி வரவேற்பை பெற்றதால், இந்த படத்திற்கு ரசிகர்கள் மத்தியில் பலத்த எதிர்பார்ப்பு நிலவி வருகிறது. இந்த படத்தை லைகா நிறுவனம் தயாரித்துள்ளது. ஆர்யா, மோகன்லால், சயீஷா ஆகியோர் நடித்துள்ளனர்.

இப்படத்தின் டீசர் நல்ல வரவேற்பு பெற்ற நிலையில், இப்பட டிரைலர் சில தினங்களுக்கு முன் வெளியானது. அந்த டிரைலர் ரசிகர்களிடம் கலவையான விமர்சனங்களை பெற்றது. அதில் அதிகமாக பாடல் காட்சிகள் மட்டுமே இருந்ததால் ரசிகர்கள் ஏமாற்றம் அடைந்தனர். தற்போது அவர்களை திருப்திபடுத்தும் வகையில் நேற்று இரவு இப்படத்தின் இரண்டாவது டிரைலரை படக்குழு வெளியிட்டது.

இந்த இரண்டாவது ட்ரெய்லரில் ரசிகர்கள் எதிர்பார்த்த பரபரக்கும் ஆக்சன் காட்சிகளும், தரமான வசனங்களும் இடம்பெற்றுள்ளன. தற்போது இந்த படத்திற்கான எதிர்பார்ப்பு ரசிகர்கள் மத்தியில் அதிகமாகி உள்ளது.