காலமானார் பேராசிரியர் க.அன்பழகன்..!

தி.மு.க. பொதுச்செயலாளர் மற்றும் பழம்பெரும் அரசியல் தலைவராக வலம்வந்த பேராசிரியர் அன்பழகன் (97) உடல் நலக்குறைவால் இன்று காலமானார்.

தி.மு.க. பொதுச்செயலாளர் பேராசிரியர் க அன்பழகன் வயது மூப்புக் காரணமாக கடந்த ஒரு வருடமாக வீட்டில் சிகிச்சை பெற்று வந்த நிலையில் திடீரென்று அவரது  உடல்நிலை மோசம் அடைந்தது இதனால் அவர் சென்னை ஆயிரம் விளக்கு பகுதியில் உள்ள அப்பல்லோ மருத்துவமனையில் அனுமதிக்கப்பட்டார்.அங்கு   சிறப்பு டாக்டர்கள் அவருக்கு தீவிர சிகிச்சை அளித்து வந்த போதும் அவரது உடல் நிலையில் எந்த ஒரு முன்னேற்றமும் ஏற்படவில்லை மேலும் அவருக்கு செயற்கை சுவாசமானது பொருத்தப்பட்டது.

இந்நிலையில் அக்கட்சியிப் தலைவர் மு.க.ஸ்டாலின், அப்பல்லோ மருத்துவமனைக்கு சென்று, க அன்பழகனின் உடல்நிலை குறித்து சிகிச்சை அளித்து வரும் மருத்துவர்களிடம் விசாரித்தார்.அதன் பின்னர் செய்தியாளர்களை சந்தித்த அவர்,பொதுச்செயலாளர் க.அன்பழகன் தொடர்ந்து மருத்துவரின் கண்காணிப்பில் அவருக்கு தீவிர சிகிச்சையானது அளிக்கப்பட்டு வருகிறது. ஆனால் பொதுச்செயலாளர் வயது மூப்புக்காரணமாக மருத்துவர்கள் அளிக்கும் சிகிச்சை பயனளிக்க முடியாத நிலையில் உள்ளது என்று கூறிய நிலையில் பேராசிரியர் க.அன்பழகன் உடல் நலக்குறைவால் சென்னை அப்பல்லோ மருத்துவமனையில் இன்று காலமானார்.பல்வேறு அரசியல் தலைவர்கள் தங்களது ஆழ்ந்த அனுதாபங்களை தெரிவித்து வருகின்றனர்.