பாசம் கொட்டி வளர்க்கும் தாயாக ஜோதிகா.! PMV படத்திலுள்ள ‘வா செல்லம்’ பாடல்.!

ஜோதிகா நடிப்பில் ஓடிடியில் வெளியாகி ரசிகர்கள் மத்தியில் பெரும் வரவேற்பைப் பெற்ற பொன்மகள் வந்தாள் படத்திலுள்ள வா செல்லம் பாடல் வெளியாகி வைரலாகி வருகிறது.

2 டி என்டர்டெயின்மெண்ட் தயாரிப்பில் அறிமுக இயக்குனரான ஜே. ஜே. பிரட்ரிக் இயக்கும் திரைப்படம் பொன்மகள் வந்தாள். இந்த படத்தில் முக்கிய கதாபாத்திரத்தில் ஜோதிகா வழக்கறிஞராக நடித்துள்ளார். மேலும் பாக்கியராஜ், பிரதாப் போத்தன், பார்த்திபன், தியாகராஜன், பாண்டியராஜன் ஆகியோரும் முக்கிய கதாபாத்திரத்தில் நடிக்கின்றனர்.

பல்வேறு பிரச்சனைகளை கடந்து இந்த படம் வரும் 29 அன்று ஓடிடியில் வெளியாகி ரசிகர்கள் மத்தியில் பெரும் வரவேற்பைப் பெற்றது. இந்த படத்திற்கு கோவிந்த் வசந்தா இசையமைத்துள்ளார்
இந்த நிலையில் தற்போது இந்த படத்திலுள்ள “வா செல்லம் ” என்ற பாடலான அம்மாவுக்கும், பிள்ளைக்குமான பாசத்தை காண்பிக்கும் வீடியோ வெளியாகியுள்ளது. விவேக் எழுத பிருந்தா சிவகுமார் பாடிய இந்த பாடல் சமூக வலைத்தளங்களில் மிகவும் வைரலாகி வருகிறது.