சிறந்த பெண்கள் பட்டியலில் இடம்பிடித்த இசைவாணி.! நேரில் அழைத்து வாழ்த்திய இசைஞானி இளையராஜா.!

உலகின் சிறந்த பெண்கள் பட்டியலில் இடம்பிடித்த கானா பாடகியான இசைவாணியை இசைஞானி இளையராஜா நேரில் அழைத்து வாழ்த்துக்களை தெரிவித்துள்ளார்.

அறிவாற்றல், படைப்பாற்றல்,தலைமைத்துவம் , அடையாளம் ஆகிய பிரிவுகளின் கீழ் சமுதாயத்திற்கு மகத்தான பங்களிப்பை வழங்கும் பெண்களை கௌரவிக்கும் விதமாக பிரபல ஊடகமான பிபிசி உலகின் சிறந்த பெண்கள் பட்டியலை வெளியிடுவது வழக்கம்.அந்த வகையில் இந்தாண்டு சிறந்த பெண்களுக்கான பட்டியலை பிபிசி வெளியிட்டது .

அந்த வகையில் பிபிசி வெளியிட்ட உலகின் சிறந்த பெண்களுக்கான பட்டியலில் இடம்பெற்ற 100 பெண்களில் 4 பேர் இந்திய பெண்கள் .அதில் இயக்குனர் பா.ரஞ்சித்தின் ‘தி கேஸ்ட்லெஸ் கலெக்ட்டிவ்’ குழுவை சேர்ந்த கானா பாடகியான இசைவாணி என்ற தமிழக பெண்ணும் இடம் பிடித்திருந்தார் . அவருக்கு திரையுலகில் உள்ள பல பிரபலங்கள் வாழ்த்துக்களை தெரிவித்து வருகின்றனர்.

அந்த வகையில் இசைஞானி இளையராஜா சிறந்த பெண்களுக்கான பட்டியலில் இடம் பிடித்த இசைவாணியை நேரில் அழைத்து வாழ்த்துக்களையும் , பாராட்டுகளையும் தெரிவித்துள்ளார் .அந்த புகைப்படத்தை பா.ரஞ்சித்தின் நீலம் பண்பாட்டு மையம் வெளியிட்டுள்ளது.

இசைஞானி இளையராஜாவை சந்தித்து வாழ்த்து பெற்றார் இசைவாணி.!!
வாழ்த்துகள் மகிழ்ச்சி.!!#Thecastelesscollective#BBC@beemji pic.twitter.com/TvwPyZuRxV

— நீலம் பண்பாட்டு மையம் (@Neelam_Culture) December 4, 2020