தளபதி-65 ஒரு அரசியல் படமா.?லீக்கான படத்தின் கதைக்களம்.!

தளபதி-65 ஒரு அரசியல் படம் என்ற தகவல் வெளியாகியுள்ளது.

தளபதி விஜய் மாஸ்டர் படத்தின் பிளாக் பஸ்டர் வெற்றியை தொடர்ந்து கோலமாவு கோகிலா, டாக்டர் உள்ளிட்ட படங்களை இயக்கிய நெல்சன் திலீப்குமார் இயக்கத்தில் உருவாகும் தனது 65-வது படத்தில் நடிக்கவுள்ளார்.சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் அவர்கள் இசையமைக்கவுள்ளார் . மேலும் நடன இயக்குனராக ஜானி மாஸ்டர் பணியாற்ற உள்ளார் . மேலும் தளபதி-65 படத்தின் ஒளிப்பதிவாளராக மனோஜ் பரமஹம்சா பணியாற்ற உள்ளதாக அவரே அதிகாரப்பூர்வமாக தனது டுவிட்டர் பக்கத்தில் அறிவித்திருந்தார்.

மேலும் ‘தளபதி65’ படத்தில் பிரபல காமெடி நடிகர்களான யோகி பாபு மற்றும்VTV கணேஷ் ஆகியோரும் இணைய உள்ளதாக தகவல்கள் வெளியாகியிருந்தது.மேலும் தளபதி 65 படத்தில் விஜய்க்கு ஜோடியாக பூஜா ஹெக்டே அல்லது ரஷ்மிகா மந்தானா நடிக்க உள்ளதாக தகவல்கள் வெளியாகியிருந்தது.ஆனால் இதுவரை எந்த அதிகாரப்பூர்வ அறிவிப்பும் வெளியாகவில்லை.

ஏப்ரல் முதல் வாரத்திலிருந்து ரஷ்யாவில் படப்பிடிப்பு தொடங்க உள்ளதாக கூறப்படும் நிலையில் தளபதி 65 படம் குறித்த தகவல் ஒன்று வெளியாகி உள்ளது.அதாவது தளபதி 65 ஒரு அரசியல் படமாக உருவாக உள்ளதாகவும், கிட்டத்தட்ட விஜய்யின் சர்க்கார் பட பாணியில் இருக்க அதிக வாய்ப்பு உள்ளதாகவும் தகவல்கள் வெளியாகியுள்ளன.மேலும் இப்படத்தில் வரும் வில்லன் ஒரு அரசியல் அமைச்சர் என்ற தகவலும் கசிந்துள்ளது.இது எந்தளவிற்கு உண்மை என்பது தெரியவில்லை.