பூட்டானில் நினைவு ஸ்தூபிகள் மேல ஏறி புகைப்படம் எடுத்த இந்தியர் கைது..!

பூடானில் உள்ள Travel வழிகாட்டி ஒருவரின் தலைமையில் 15 பேர் கொண்ட குழுவில் பைக்கில் பூடானுக்கு சுற்றுலா சென்றனர். அதில் ஒருவர் மகாராஷ்டிரா சார்ந்த அபிஜித். இந்தக் குழுவினர் நீண்ட நேரம் பைக்கில் பயணம் செய்தால் ஓய்வெடுக்க பூடானில் டச்சுலா பாஸ் என்ற பகுதியில் ஓய்வு  எடுத்தனர்.

அப்போது  அங்கிருந்த நினைவு ஸ்தூபி மீது ஏறிநின்று அபிஜித் வீடியோ மற்றும் போட்டோ எடுத்துள்ளார். அவர் எடுத்த அந்த புகைப்படங்களை சமூக வலை தளங்களில் பதிவிட்டுள்ளார். அதைப்பார்த்த பலர் கடும் எதிர்ப்பை தெரிவித்தனர்.
அந்த ஸ்தூபி பூடான் ராணுவ வீரர்களின் தியாகத்தை போற்றும் வகையில் கட்டப்பட்டது. இதனால் அபிஜித் கைது செய்யப்பட்டு  அவரது பாஸ்போர்ட் பறிமுதல் செய்யப்பட்டது. பின்னர் இந்த ஸ்தூபி  பெருமை தெரியாமல் நான் ஏறி விட்டேன். என்னை மன்னித்து விடுங்கள், என்று கடிதம் எழுதிக் கொடுத்த பின்னர் அவர் விடுவிக்கப்பட்டார்.