மேயர் என்றாலே முதல்வர்தான் ஞாபகத்திற்கு வருவார் – உதயநிதி

மேயர் என்றாலே முதல்வர்தான் ஞாபகத்திற்கு வருவார் என உதயநிதி ஸ்டாலின் பேச்சு. 

சென்னை, கலைவாணர் அரங்கத்தில் மேயர் நிர்வாகப் பயிற்சி முகாம் நடைபெற்று வருகிறது. இந்த நிகழ்ச்சியில் முதல்வர் மு.க.ஸ்டாலின் அவர்கள் கலந்து கொண்டு உரையாற்றி வருகிறார். அப்போது, உள்ளாட்சி பிரதிநிதிகள் மக்களோடு மக்களாக இருக்க வேண்டும். எந்த முறைகேடுகளுக்கு இடம் கொடுக்காமல் உள்ளாட்சி தேர்தல் நடத்தப்பட்டுள்ளது.

மக்களால் முதன் முறையாக மேயராக தேர்ந்தெடுக்கப்பட்டவன் நான். மேயர் என்பதை பதவியாக நினைக்காமல் பொறுப்பு என நினைத்து செயல்பட வேண்டும் என அறிவுரை வழங்கினார். இதனை தொடர்ந்து, இந்த நிகழ்வில் உதயநிதி ஸ்டாலின் அவர்கள் நிறைவுரையாற்றினார். அப்போது பேசிய அவர், மேயர் என்றாலே முதல்வர்தான் ஞாபகத்திற்கு வருவார். முதல்வரின் பெயரை காப்பாற்றும் வண்ணம் நாம் அனைவரும் உழைக்க வேண்டும் என தெரிவித்துள்ளார்.