அண்ணனின் முன் இணைப்பு எண்ணை கொடுத்தால் மின் வெட்டு உள்ளதா என விசாரித்து சொல்கிறேன் – அமைச்சர் செந்தில்பாலாஜி

கடும் கோடையிலும் உச்சபட்ச மின் தேவை இருந்த போதும் தமிழ்நாடு மின் வாரியம் மிகச் சிறப்பாகக் கையாண்டு வருகிறது என அமைச்சர் செந்தில் பாலாஜி ட்வீட். 

நாம் தமிழர் கட்சி ஒருங்கிணைப்பாளர் சீமான் அவர்கள் தனது ட்விட்டர் பக்கத்தில், ‘ஏப்பா சீமான்.. இந்த ஆட்சியின் ஒரு ஆண்டு சாதனையை டிவில போடுறாங்கலாம்.. அது என்னனு பார்க்கலாம்னு பாத்தா எழவு கரண்ட் இல்லப்பா.. அது தான் பெரியம்மா திராவிட மாடல்..!’ என பதிவிட்டுருந்தார்.

இதற்கு பதிலளிக்கும் வண்ணம் அமைச்சர் செந்தில்பாலாஜி தனது ட்விட்டர் பக்கத்தில், ‘கடும் கோடையிலும் உச்சபட்ச மின் தேவை இருந்த போதும் தமிழ்நாடு மின் வாரியம் மிகச் சிறப்பாகக் கையாண்டு வருகிறது. அண்ணன் சமீபத்தில் குடியேறி இருக்கும் கடற்கரையோர சொகுசு பங்களாவின் மின் இணைப்பு எண்ணைக் கொடுத்தால் அங்கு ‘உண்மையிலேயே’ மின் வெட்டு இருந்ததா என்பதை விசாரித்துச் சொல்கிறேன்.’ என பதிவிட்டுள்ளார்.