ஐந்து நிமிடத்தில் அட்டகாசமான அவல் புட்டு செய்வது எப்படி ….?

காலை நேர உணவுக்கு எப்பொழுதும் போல இல்லாமல் வித்தியாசமான முறையில் இன்று அவலை வைத்து புட்டு செய்வது எப்படி என அறிந்து கொள்ளலாம் வாருங்கள்.

தேவையான பொருட்கள்

• அவல்
• தேங்காய் துருவல்
• ஏலக்காய் தூள்
• நாட்டு சர்க்கரை
• உப்பு
• முந்திரி
• நெய்

செய்முறை

அரைக்க : முதலில் அவலை கடாயில் போட்டு நன்றாக வறுத்து எடுத்து வைத்து கொள்ளவும். பின் இதனை மிக்சியில் போட்டு அரைத்து கொள்ளவும்.

வேக வைத்தல் : பின் அரைத்து எடுத்துள்ள அவல் மாவில் உப்பு சேர்த்து நன்றாக கிளறி, 10 நிமிடம் அப்படியே வைக்கவும். பின் இதனை மூடி வைத்து ஆவியில் வேக வைத்து எடுத்து கொள்ளவும்.

கலவை : நெய்யில் முந்திரியை வறுத்து எடுத்து கொள்ளவும். வேக வைத்த பின்பு இந்த அவல் புட்டை நன்றாக உதிர்த்து தேங்காய் துருவல், நாட்டு சர்க்கரை, ஏலக்காய் தூள் மற்றும் முந்திரியை தூவி கிளறி பரிமாறவும்.