நாங்கள் மீண்டும் ஒன்றாக சேருவோம் என்று நம்புகிறேன் – போனிகபூர்..!

அஜித் நடித்து வரும் வலிமை திரைப்படத்திற்கான படப்பிடிப்பு கிட்டத்தட்ட முடிந்து விட்டதாகவும், அதிரடி சண்டைக்காட்சி ஒன்று வருகின்ற ஏப்ரல் மாதம் 10 நாட்கள் மட்டும் ஸ்பெயின் நாட்டில் எடுக்கப்பவுள்ளதாகவும் கூறப்படுகிறது. அஜித்குமார் நடிப்பில் உருவாகி வரும் இந்த படத்திற்கான ஃபர்ஸ்ட் லுக் போஸ்டர் வருகின்ற மே 1 ஆம் தேதி வெளியாகவுள்ளது. இதனால் அஜித் ரசிகர்கள் மிகவும் ஆர்வத்துடன் எதிர்பார்த்து காத்துள்ளார்கள்.

இந்த நிலையில் இந்த திரைப்படத்தை குறித்து படத்தின் தயாரிப்பாளர் போனிகபூர் சமீபத்தில் அளித்துள்ள பேட்டி ஒன்றில் கூறியது ” வலிமை திரைப்படம் ஒரு வலுவான குடும்ப உள்ளடக்கத்தைக்கொண்ட ஒரு திட அதிரடி த்ரில்லர் படமாக இருக்கும். கண்டிப்பாக அஜித் ரசிகர்களுக்கும் சினிமா காதலர்களுக்கு படம் திருப்தி அளிக்கும் என்றும், தல அஜித் பைக் ஸ்டண்ட்ஸைச்செய்ய அனைத்து கடின உழைப்புகளையும் வைத்துள்ளார்” அஜித்துக்காக ஒரு சிறப்பான கதை ஒன்றை வைத்துள்ளோம் நாங்கள் மீண்டும் ஒன்றாக சேருவோம் என்று நம்புகிறேன் என்று கூறியுள்ளார். இதனால் தல 61 படமும் அதே வலிமை பட கூட்டணி என்று அஜித் ரசிகர்கள் கூறிவருகிறார்கள்.