ரியல் ஹீரோக்களின் நலனை கருத்தில் கொண்டு உதவி பிரபல பாலிவுட் ஹீரோ.!

சல்மான்கான் மும்பையில் உள்ள காவல்துறையினருக்கு சானிடைசர்களை வழங்கி உதவியுள்ளார்.

உலகம் முழுவதும் பரவி வரும் கொரோனா வைரஸ் காரணமாக ஜூன் 30 வரை ஊரடங்கு நீடிக்கப்பட்டுள்ளது. தமிழகத்தில் மட்டும் கொரோனாவால் பாதிக்கப்பட்டவர்களின் எண்ணிக்கை நாளுக்கு நாள் அதிகரித்து வருகிறது. மேலு‌ம் சென்னையை தவிர தமிழகத்தில் ஒரு சில இடங்களில் ஊரடங்கில் தளர்வு செய்யவும் ஆணை பிறப்பித்துள்ளது. கொரோனாவால் உயிரிழந்தவர்களின் எண்ணிக்கையால் மக்கள் அச்சத்தில் உள்ளனர். மேலும் கொரோனா தொற்றால் மும்பை அதிகமாக பாதிக்கப்பட்டுள்ளது. இதனால் பல பிரபலங்கள் தங்களால் இயன்ற உதவியை புலம்பெயர்ந்த தொழிலாளர்களுக்கும், வேலையில்லாமல் திண்டாடும் தொழிலாளிகளுக்கும் உதவி வருகின்றனர்.

இந்த நிலையில் தற்போது பிரபல பாலிவுட் நடிகரான சல்மான் கான் மும்பையில் உள்ள காவல்துறையினரின் நலனை கருத்தில் கொண்டு சானிடைசர்களை வழங்கி உதவியுள்ளார். தங்களுடைய உயிரை பணயம் வைத்து வேலை செய்யும் காவல்துறை அதிகாரிகளுக்கு தனது சொந்த நிறுவனமான ஃப்ரெஷ் நிறுவனம் மூலம் தயாரித்த ஒரு லட்சம் சானிடைசர்களை கொடுத்து உதவியுள்ளார்.தற்போது சல்மான் கானின் இந்த செயலுக்கு பலர் தங்களது பாராட்டுகளை தெரிவித்து வருகின்றனர். ஏற்கனவே சல்மான் கான் பாலிவுட்டில் பணிபுரியும் 5 லட்சம் உறுப்பினர்களில் 25 ஆயிரம் பேரின் வங்கி கணக்கில் ரூ. 3, 000 வீதம் செலுத்தி உதவியதோடு, மும்பையில் உள்ள 25ஆயிரம் ஏழை மக்களுக்கு மளிகை பொருட்களை வழங்கி உதவியது குறிப்பிடத்தக்கது.