தகவல் தொடர்புகளை அதிகரிக்க புதிய வசதியை அறிமுகப்படுத்திய கூகுள் .!

குரோம்புக்குகளில் தகவல் தொடர்புகளை அதிகரிக்க சில புதிய வசதியை கூகுள் நிறுவனம் அறிமுகப்படுத்தியுள்ளது.

குரோம்புக்குகளில் தகவல் தொடர்புகளை அதிகரிக்க கூகுள் சில புதிய அம்சங்களை அறிமுகப்படுத்தியுள்ளது.இது வீடியோ கால் அரட்டையில்(chat) இணைக்கவும் தொடர்பு கொள்ளவும் செய்கிறது அல்லது குரோம் புக்குகளில்(Chromebook) மெசேஜ் செய்வதை எளிதாக்குகிறது.

அதாவது,குரோம் ஓ.எஸ் (Chrome OS) சமீபத்திய புதுப்பிப்பின் மூலம், கூகுள் மீட் (Google Meet) அனைத்து குரோம் புக்குகளிலும் முன்பே நிறுவப்படும். இதனால், பயனர்கள் ஆப் பயன்பாட்டை எளிதாக தொடங்கவும் மற்றும் அது தொடங்கியதில் இருந்து வீடியோ அழைப்பைப் பெற உதவுகிறது.

இது தொடர்பாக,குரோம் ஓஎஸ் மென்பொருளின் இயக்குநர் அலெக்சாண்டர் குஷர் கூறுகையில்:”பல்வேறு நெட்வொர்க் நிலைமைகளுக்கு ஏற்ப வீடியோ அழைப்புகளை மாற்றியமைத்தல் மற்றும் வீடியோ செயல்திறனை சரிசெய்தல் போன்ற செயல்திறன் மேம்பாடுகளையும் செய்துள்ளோம்.

மேலும்,புதிய பதிப்பு வேகமான செயல்திறனை வழங்குகிறது, குறைந்த சேமிப்பிடத்தை மட்டுமே எடுத்துக்கொள்கிறது.குறிப்பாக,நேரடி டிரான்ஸ்கிரிப்ஷன் மற்றும் தனியுரிமைக்கான புதிய பின்னணி மறைத்தல் அம்சம் போன்ற சமீபத்திய அம்சங்களை உள்ளடக்கியது.கூகுள் சமீபத்தில் பிளே ஸ்டோரில் Chromebook களுக்கான பயன்பாட்டின் மேம்பட்ட பதிப்பை அறிமுகப்படுத்த ஜூம் உடன் இணைந்து செயல்பட்டது.

உங்கள் வீடியோ அழைப்புகளை இன்னும் சிறப்பானதாக்க லாஜிடெக், ஈபிஓஎஸ் மற்றும் லெனோவா போன்ற இணைய கேமராக்கள் மற்றும் ஹெட்செட்கள் உள்ளிட்ட ஒர்க்ஸ் வித் குரோம் புக் சான்றளிக்கப்பட்ட பாகங்களை உங்கள் அமைப்பில் சேர்க்கலாம்”,என்று தெரிவித்துள்ளார்.

மேலும்,நிறுவனம் புதிய ஷார்ட்கட் மற்றும் ஈமோஜி பிக்கருடன் குரோம் புக்குகளில் பகிரக்கூடிய மற்றும் உள்ளடக்கிய ஈமோஜிகளையும் அறிமுகப்படுத்தியது.

இதனைத் தொடர்ந்து,நெட்வொர்க் இணைப்பிற்காக இ-சிம்(E-SIM) ஐ ஆதரிக்கிறது.இதன்மூலம், உங்கள் லேப்டாப்பில் இருந்து ஒரு சிம் கார்டை இணைக்கவோ அல்லது அகற்றவோ இல்லாமல்,இ-சிம் மூலம் வேண்டியதை பதிவிறக்கம் செய்து கொள்ளலாம்.

இந்த அம்சம் ஏசர் குரோம்புக் 511 மற்றும் ஸ்பின் 513 (Acer Chromebook 511 & Spin 513) போன்ற eSIM- இணக்கமான குரோம்புக்குகளில் மட்டுமே கிடைக்கிறது என்று நிறுவனம் தெரிவித்துள்ளது.