தனது முக்கிய வேலையை கண்டுகொள்ளாத கூகுள் குரோம்.! அப்செட்டில் பயனர்கள்…

மூன்றாம் தர குக்கீஸ்களை தடுப்பதற்கான நடவடிக்கைகளை கூகுள் குரோம் ஆரம்பித்தது.  ஆனால், அதன் பணிகளை தற்போது தற்காலிகமாக கூகுள் நிறுத்தி வைத்துள்ளது. 

கூகுள் நிறுவனம் தற்போது தனது முக்கியமான வேலையை தாமதப்படுத்தியுள்ளது. அதாவது, கூகுள் குரோம் மூலம் நாம் ஏதேனும் தேடும் பொழுது சில மூன்றாம் தார குக்கீஸ் எனப்படும் சில தேவையற்ற தரவுகள் நமது போனில் சேமிக்கப்பட்டு விடும்.

ஒரு கட்டத்தில் அது அதிகமாகி விடும். அதனால், நாம் தனியே அழிக்க வேண்டிய கட்டாயம் ஏற்படும். இல்லையென்றால் மெமரி அதிகமாக குக்கீஸ் பிடித்து, போன் வேகம் குறையும் நிலை ஏற்படும். இல்லையென்றால் தேவையற்ற வெப் சைட்டில் இருந்து தேவையற்ற பக்கங்கள் வரும்.

இதனை தடுக்க , ஃபயர்ஃபாக்ஸ் , ஆப்பிள் போன்ற நிறுவனங்கள் நடவடிக்கை மேற்கொண்டு பாதுகாப்பு வசதிகளை பலப்படுத்தி மூன்றாம் தர குக்கீஸ்களை தடுத்துவிட்டது.

இதற்கான நடவடிக்கைகளை கூகுள் குரோம் ஆரம்பித்தது.  ஆனால் அதன் பணிகளை தற்போது தற்காலிகமாக கூகுள் நிறுத்தி வைத்துள்ளதாம். 2024க்கு பிறகு தான் இந்த பணிகளை ஆரம்பிக்க உள்ளதாம். இதனை கேள்விப்பட்ட குரோம் பயனர்கள் அப்செட்டில் இருக்கின்றனர்.