உலக அளவில் கொரோனா பாதிப்பு 21.3 கோடி ஆக உயர்வு..!

உலக அளவில் கொரோனா பாதிப்பு 21.3 கோடி ஆக தற்போது அதிகரித்துள்ளதாக தகவல் வெளிவந்துள்ளது. 

சீனாவில் கடந்த 2019 ஆம் ஆண்டு கொரோனா பரவல் தொடங்கியது. உலக நாடுகளை பெருமளவு அச்சுறுத்தி வரும் கொரோனாவால், பல்வேறு பாதிப்புகளையும் இழப்புகளையும் உலக நாடுகள் சந்தித்து வருகிறது. தற்போது உலக அளவில் கொரோனா பாதித்தவர்களின் மொத்த எண்ணிக்கை 21.3 கோடியாக உயர்ந்துள்ளது.

கொரோனா பாதிப்பில் அமெரிக்கா முதலிடத்திலும், இந்தியா இரண்டாமிடத்திலும், பிரேசில் மூன்றாமிடத்தில் உள்ளது. கொரோனாவால் அமெரிக்காவில் இதுவரை 3.8 கோடி மக்கள் பாதிக்கப்பட்டுள்ளனர். மேலும் 6.40 லட்சம் பேர் உயிரிழந்துள்ளனர்.

அடுத்தபடியாக இந்தியாவில் இதுவரை 3.24 கோடி பேர் பாதிக்கப்பட்டுள்ளனர். இவர்களில் 4.35 லட்சம் பேர் உயிரிழந்துள்ளனர். மூன்றாமிடத்தில் உள்ள பிரேசில் நாட்டில் இதுவரை கொரோனாவால் 2.06 கோடி பேர் பாதிக்கப்பட்டுள்ளனர் என்பது குறிப்பிடத்தக்கது.