தந்தைக்கு போட்டியாக மகன் கட்டிய கோவில்! கங்கை கொண்ட சோழபுரத்தின் தனி சிறப்புகள்!

• தமிழகத்திலேயே மிகப்பெரிய லிங்கம் உள்ள கோவில் கங்கைகொண்ட சோழபுரத்தில் உள்ள பிரகதீஸ்வரர் ஆலையம் தான்.
• இந்த கோவிலை கட்டியவர் மாமன்னர் ராஜராஜனின் மகன்  மாமன்னர் ராஜ ராஜேந்திரன்.

தஞ்சை பெரிய கோவிலுக்கும் கங்கைகொண்ட சோழபுரத்திற்கு இடையே பெரிய ஒற்றுமை தொடர்பு ஒன்று உண்டு. அதாவது தஞ்சை பெரிய கோவிலை கட்டிய மாமன்னன் ராஜராஜனின் மகன் ராஜ ராஜேந்திரன் தான் கங்கைகொண்ட சோழபுரத்ததில் உள்ளபிரகதீஸ்வரர் ஆலயத்தை உருவாக்கினார். தன் தந்தை கட்டிய கோவிலை விட இந்த கோவிலில் உள்ள லிங்கம் மிகப்பெரியதாக இருக்கவேண்டும் என எண்ணி இந்த லிங்கத்தை ஒரே கல்லில் உருவாக்கினார். அந்த கோவிலில் உள்ள கலசத்தின் நிழல் கீழே விழாது.

மாமன்னர் ராஜ ராஜேந்திரன் தான் போர்களில் வென்று தன்னிடம் தோற்ற மன்னர்கள் கையினால் நீரை எடுத்துவந்து இங்குள்ள மிக பெரிய சிவலிங்கத்திற்கு அபிஷேகம் செய்ய வைத்தார். அதனால் தான் இந்த ஊர் கங்கைகொண்ட சோழபுரம் என்று அழைக்கப்படுகிறது.  இந்த கோவிலில் அபிஷேகம் செய்யும் நீர் கோவில் உள்ளேயே ஒரு கிணறு மூலம் சேமித்து வைக்கப்படுகிறது. கோயிலுக்குள் ராஜ ராஜேந்திரன் வரும்போதெல்லாம் இந்த நீரை தலையில் தெளித்துக் கொண்டுதான் தரிசனத்திற்காக உள்ளே செல்வாராம்.

13.5 அடி உயரமுள்ள இந்த சிவலிங்கம் ஆனது 60 அடி சுற்றளவு கொண்டது. சுற்றி படிக்கட்டுகள் உண்டு. அந்த படிக்கட்டுகள் மூலமாக ஏறி சிவனுக்கு அபிஷேகம் செய்யப்படுகிறது. சிவலிங்கத்திற்கு எதிரே உள்ள நந்தி  சுண்ணாம்பு கல்லில் செய்யப்பட்டு உள்ளது. இங்கு உள்ள பெரியநாயகி அம்மன் 9.5 அடி உயரம் கொண்டது. பகல் நேரங்களில் சுண்ணாம்புக் கல்லால் கட்டப்பட்ட நந்தியின் மீது சூரிய ஒளிபட்டு அந்த ஒளியானது சிவனின் மீது எதிரொலிக்கும் அந்த சமயம் விளக்குகளை அணைத்துவிட்டு சூரிய ஒளியில் பக்தர்கள் சிவலிங்கத்தை  தரிசனம் செய்ய அனுமதிக்கப்படுவார்கள். அப்படி தரிசனம் செய்தால் மிகவும் நல்லது என அங்கு உள்ளவர்கள் கூறுகிறார்கள்.

கீழே சந்திரகாந்தா எனும் கல் உள்ளது. அந்தக் கல்லானது குளிர்காலத்தில் அதை ஈடுகட்டும் படி வெப்பத்தையும், கோடை காலத்தில் அதனை தணிக்க குளிரையும் கொடுக்கிறது.

இந்த கோவில் சென்று வழிபட்டால் வேலை இல்லாமல் இருப்பவர்களுக்கு நல்ல வேலை அமையும். பதவி உயர்வு கிடைக்கும். திருமண பாக்கியம், குழந்தை பாக்கியம் வேண்டியும் இங்குள்ள அம்மனை பிரார்த்தனை செய்யலாம். உடனே நல்லது நடக்கும். 25 மீட்டர் நீளமுள்ள வேஷ்டி 14 அடி உயர மாலையும் அம்மனுக்கு ஒன்பது கஜ புடவையும் சாத்துவது சிறப்பு. இங்கு சிவனுக்கு சாத்தப்படும் புடவைகள் தனியே நெய்து கொடுக்கப்படுகின்றன.

இந்த பிரகதீஸ்வரர் கோவில் அரியலூர் மாவட்டம் கங்கைகொண்ட சோழபுரத்தில் உள்ளது.