“ஆரம்பிக்கலாங்களா” விக்ரம் படத்தின் வெறித்தனமான அப்டேட்..!!

விக்ரம் திரைப்படத்திற்கான படப்பிடிப்பு இன்று முதல் தொடங்கப்பட்டுள்ளது. 

இயக்குனர் லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் உருவாகவுள்ள திரைப்படம் விக்ரம். இந்த படத்தை கமலஹாசனின் தயாரிப்பு நிறுவனமான ராஜ் கமல் நிறுவனம் தயாரிக்கிறது. படத்திற்கு இசையமைப்பாளர் அனிருத் இசையமைக்கிறார். மேலும் ஒளிப்பதிவாளராக சத்யன் சூரியன் பணியாற்றவுள்ளார். இந்த படத்திற்கான டைட்டில் டீசர் கடந்த ஆண்டு நவம்பர் மாதம் 7 ஆம் தேதி வெளியானது.

அதனை தொடர்ந்து படத்திலிருந்து எந்த அப்டேட்டும் வரவில்லை . இந்த நிலையில் நேற்று தமிழக சட்டமன்ற தேர்தல் நடைபெற்றது. இதனால் கமல் நடிக்கவுள்ள விக்ரம் திரைப்படத்திற்கான படப்பிடிப்பு இன்று முதல் தொடங்கியுள்ளது. இதனை படத்தின் இயக்குனர் லோகேஷ் கனகராஜ் ட்வீட்டர் பக்கத்தில் கமலுடன் இருக்கும் புகைப்படத்தை வெளியிட்டு ஆரம்பிக்கலாங்களா என்று பதிவிட்டுள்ளார். இதனால் தற்போது ரசிகர்கள் மிகவும் உற்சாகத்துடன் உள்ளார்கள்.