நயன்தாரா ரசிகர்களுக்கு வெறித்தனமான அப்டேட்!

by பால முருகன்Posted on August 5, 2021

நெற்றிக்கண் திரைப்படத்தின் முதல் பாடல் இன்று வெளியாகவுள்ளது.

கடந்த ஆண்டு நடிகை நயன்தாரா நடிப்பில் ஓடிடி தளத்தில் வெளியான மூக்குத்தி அம்மன் திரைப்படம் ரசிகர்களுக்கு மத்தியில், பலத்த வரவேற்பை பெற்றது. இந்த திரைப்படத்தை தொடர்ந்து அடுத்ததாக நடிகை நயன்தாரா, அண்ணாத்த, நெற்றிக்கண், காத்து வாக்குல இரண்டு காதல் போன்ற பல திரைப்படங்களில் நடித்துள்ளார்.

இதில் நெற்றிக்கண் படத்தை விக்னேஷ் சிவன் தயாரிக்க மிலிந்த் ராவ் இயக்குகிறார். இவர் 2017ஆம் ஆண்டு வெளியான அவள் படத்தை இயக்கியவர் என்பது குறிப்பிடத்தக்கது. இந்த திரைப்படத்தில் நடிகை நயன்தாரா பார்வையற்ற பெண்ணாக நடித்துள்ளார்.

இந்நிலையில், இந்த திரைப்படம் நேரடியாக வரும் ஆகஸ்ட் மாதம் 13-ஆம் தேதி ஹாட்ஸ்டார் ஓடிடி தளத்தில் வெளியாகவுள்ளது. இதனையடுத்து தற்போது கிடைத்த அப்டேட் என்னவென்றால் நெற்றிக்கண் திரைப்படத்தின் முதல் பாடல் இன்று வெளியாகவுள்ளது. இதனால் ரசிகர்கள் பாடலை பார்க்க காத்துள்ளனர்.