பிப்ரவரி 14 ஃபெப்சி சங்க தேர்தல் – ஆர்.கே.செல்வமணி அறிவிப்பு.!

வரும் 14-ஆம் தேதி தென்னிந்திய திரைப்பட தொழிலாளர்கள் சம்மேளனத்தின் தேர்தல் நடைபெறும் என்று ஆர்.கே.செல்வமணி அறிவித்துள்ளார்.

இன்று சென்னையில் செய்தியாளர் சந்திப்பில் பேசிய பெப்சி சங்க தலைவர் ஆர்.கே.செல்வமணி, வரும் பிப்ரவரி 14-ஆம் தேதி திரைப்பட தொழிலாளர்கள் சம்மேளனத்தின் (ஃபெப்சி) தலைவர், 5 துணை தலைவர்கள், 5 இணை செயலாளர்கள், 1 பொதுச்செயலாளர், 1 பொருளார் என மொத்தம் 13 நபர்களுக்கு இந்த தேர்தல் நடைபெறும் என அறிவித்துள்ளார்.

மேலும், இறுதி வேட்பாளர் பட்டியல் வரும் 7-ஆம் தேதி வெளியிடப்படும் என கூறியுள்ளார். இதையடுத்து, அம்மா படப்பிடிப்பு தளம் அமைப்பதற்கான நிதியை முதல்வர் பழனிசாமி வழங்கினார் என்றும் பிப் 24ம் தேதி அம்மா படப்பிடிப்பு தளம் திறக்கப்படும் எனவும் ஆர்.கே.செல்வமணி தெரிவித்துள்ளார் என்பது குறிப்பிடத்தக்கது.