மகள் வேலைக்கு செல்வதை விரும்பாத தந்தை .!கொடுர தாக்குதல் நடத்தி பார்வையை தொலைத்த பெண் காவலர்.!

மகள் வேலைக்கு செல்வதை விரும்பாத தந்தை பெண் காவலராக பணியாற்றி வந்த மகளை துப்பாக்கியால் சுட்டு கண்களை கத்தியால் குத்தி கொடூர தாக்குதல் நடத்தியுள்ளார் .

ஆப்கானிஸ்தானில் உள்ள காஸ்னி பகுதியில் உள்ள காவல் நிலையத்தில் கடேரா(33) என்பவர் பெண் காவலராக பணியாற்றி வந்தார் . தனது கனவான காவலர் பணியை 3 மாதங்களுக்கு முன்பு தொடங்கினார் . அப்போது ஒரு நாள் கடேரா காவல் நிலையத்தில் இருந்து வெளியே வந்த போது இருச்சக்கர வாகனத்தில் வந்த ஒரு சிலர் கடோராவின் மீது கடுமையான தாக்குதலை நடத்தியுள்ளனர்.

அந்த கும்பல் கடோராவை துப்பாக்கியால் சுட்டதுடன் ,கத்தியால் அவரது கண்களை குத்தியுள்ளனர் . அப்போது கீழே விழுந்த கடேராவை அருகிலுள்ளவர்கள் மருத்துவமனையில் அனுமதித்துள்ளனர் . ஆனால் கண் விழித்த அவருக்கு அதிர்ச்சி செய்தி காத்திருந்தது .கண்களில் கத்தியால் குத்தியதால் அவரது பார்வை இழந்து விட்டதாக மருத்துவர்கள் தெரிவித்துள்ளனர் .

தனது வாழ்க்கையே இழந்து நிற்கும் கடேராவிடம் இந்த தாக்குதலை நடத்தியது கடோராவின் தந்தை என்று கூறப்படுகிறது. ஏனெனில் அவர் தனது மகள் வீட்டை விட்டு வெளியே சென்று வேலை செய்வதை விரும்பாத காரணத்தினாலையே தனது சொந்த மகள் என்றும் பாராமல் இந்த கொடூர தாக்குதலை நடத்தியதாக கூறப்படுகிறது .மேலும் சம்பவ இடத்தில் இருந்தவர்கள் கடேரா மீது தாக்குதல் நடத்தியவர்கள் தாலிபன் அமைப்பினர் என்று கூறியுள்ளனர் .தற்போது இந்த கொடூர தாக்குதல் குறித்த விசாரணையை போலீசார் தீவிரமாக நடத்தி வருகின்றனர்.