இந்தி தெரியாததால் அவமானப்பட்ட பிரபல இயக்குனர் .! வைரலாகும் “I am a தமிழ் பேசும் Indian” டீசர்ட் புகைப்படங்கள் .!

இந்தி திணிப்புக்கு எதிராக I am a தமிழ் பேசும் Indian, இந்தி தெரியாது போடா’ வாசகங்களுடன் கூடிய டீசர்ட்களை அணிந்த புகைப்படங்களை நடிகர் கருணாகரன் மற்றும் இயக்குநர் வெற்றிமாறன் ஆகியோர் பகிர்ந்துள்ளனர்.

தமிழகத்தில் கடந்த 50 ஆண்டுகளுக்கு மேலாக இந்தி எதிர்ப்பு கொள்கைகளை கடைப்பிடித்து வருகின்றனர். அவ்வப்போது இந்தி எதிர்ப்பு போராட்டங்களும், இந்தி திணிப்பு போராட்டங்களும் நடந்து வருவது குறிப்பிடத்தக்கது. சமீபத்தில் கூட சென்னை விமான நிலையத்தில் சிஐஎஸ்எஃப் அதிகாரி ஒருவர் திமுக எம்பி கனிமொழியிடம் இந்தியராக இருந்து விட்டு இந்தி தெரியாத என்ற கேள்வி எழுப்பியது பெரும் சர்ச்சையை ஏற்படுத்தியது. மேலும் இந்தி தெரியாத மருத்துவர்களை ஆயுஷ் அமைச்சகம் நடத்திய கூட்டத்தில் வெளியேற சொன்னதும் பெரும் பரபரப்பை ஏற்படுத்தியது குறிப்பிடத்தக்கது.

இந்த நிலையில் தற்போது தமிழ் திரையுலக பிரபலங்கள் பலர் இந்தி எதிர்ப்பு வாசகங்களுடன் கூடிய டீசர்ட்களை அணிந்து புகைப்படங்களை வெளியிட்டு வருகின்றனர். அந்த வகையில் சமீபத்தில் கூட ‘I am a தமிழ் பேசும் Indian’ மற்றும் ‘இந்தி தெரியாது போடா’ ஆகிய வாசகங்களுடன் கூடிய டீசர்ட்களை யுவன் ஷங்கர் ராஜா, ஐஸ்வர்யா ராஜேஷ், சாந்தனு மற்றும் அவரது மனைவி உள்ளிட்ட பலர் அணிந்த புகைப்படங்கள் சமூக வலைத்தளங்களில் மிகவும் வைரலாகியது. இந்த நிலையில் தற்போது இந்தி திணிப்பை எதிர்த்து நகைச்சுவை நடிகரான கருணாகரன் மற்றும் பிரபல இயக்குநர் வெற்றிமாறன் மற்றும் அவரது மகன் ஆகியோர் ‘Iam a தமிழ் பேசும் Indian’ என்ற வாசகத்துடன் கூடிய டீசர்ட்களை அணிந்துள்ளனர். எம்பி கனிமொழி அவர்களுக்கு நடந்ததை போன்று வெற்றிமாறன் அவர்களுக்கும் டெல்லி விமான நிலையத்தில் நடந்ததாக சமீபத்தில் கூறியது குறிப்பிடத்தக்கது. தற்போது இவர்களது இந்த டீசர்ட் புகைப்படங்கள் சமூக வலைத்தளங்களில் மிகவும் வைரலாகி வருகிறது.