பிரபல நடிகரின் 6 வயது மகளின் பெயரில் போலி இன்ஸ்டாகிராம் கணக்கு.!

நடிகர் பிருத்விராஜ் அவர்களின் 6 வயது மகளின் பெயரில் போலி இன்ஸ்டாகிராம் கணக்கு உள்ளதாக கொடுத்த புகாரில் பெயரில் அக்கணக்கு நீக்கப்பட்டது.

பிரபலங்கள் பலரின் பெயரில் போலிக் கணக்குகளை சமூக வலைத்தளங்களில் தொடங்குவதும் , அதில் அந்த பிரபலத்தின் புகைப்படத்தையும் பகிர்ந்து வருகிறார்கள் . அவ்வாறு போலிக் கணக்குகளை கண்ட பிரபலங்கள் சிலர் புகார் அளித்து அந்த பக்கத்தை நீக்கவும் செய்துள்ளனர் . அந்த வகையில் பிரபல மலையாள நடிகரும் ,தமிழில் ஒரு சில படங்களில் நடித்தவருமான பிருத்விராஜ் அவர்களின் 6 வயது மகளான அலாக்ரிதா பெயரில் போலி இன்ஸ்டாகிராம் கணக்கு தொடங்கப்பட்டிருந்தது .

அதில் 934 ஃபாலோவேர்ஸை உடைய அந்த போலி இன்ஸ்டாகிராம் கணக்கை பிருத்விராஜ் மற்றும் சுப்ரியா மேனன் நிர்வகிப்பதாக பதிவிட்டிருந்தது. இதனை ஸ்க்ரீன் ஷாட் எடுத்து பகிர்ந்த பிருத்விராஜ், இந்த போலி கணக்கை உங்களின் பார்வைக்கு கொண்டு வர விரும்பியதாவும் , தங்களின் 6 வயது மகளுக்கு சமூக ஊடகங்களில் கணக்குகளை தொடங்குவதற்கான அவசியத்தை நாங்கள் காணவில்லை என்றும் , அவள் பெரியவள் ஆனதும் அவளுக்கு வேண்டிய சமூக ஊடக கணக்குகள் குறித்து அவளே தீர்மானிப்பாள் என்று தெரிவித்துள்ளார் . இந்த கணக்கை யாரும் பின்தொடர வேண்டாம் என்றும் பிருத்விராஜ் அவர்களின் மனைவி சுப்ரியா மேனனும் கூறியுள்ளார் . அதனையடுத்து இவர்கள் கொடுத்த புகாரை தொடர்ந்து அந்த போலி கணக்கு இன்ஸ்டாகிராமில் இருந்து நீக்கப்பட்டது .