ராம் சரணுக்கு வில்லனாகும் தளபதி பட வில்லன்..?

ராம் சரணின் 15 வது படத்தில் அவருக்கு வில்லனாக நடிகர் ஜெகபதி பாபு நடிக்கவுள்ளதாக தகவல்

இயக்குனர் ஷங்கர் அடுத்ததாக தெலுங்கு திரையுலகின் பிரபலமான நடிகரான ராம் சரணின் 15 வது திரைப்படத்தை இயக்கவுள்ளார். இந்த படத்தை ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜூ தயாரிக்கவுள்ளார். இதற்கான அறிவிப்பு கடந்த சில மாதங்களுக்கு முன்பு வெளியானது. அதனை தொடர்ந்து படத்திலிருந்து எந்த அறிவிப்பு வெளியாகவில்லை.

இந்த திரைப்படத்திற்கான படப்பிடிப்பு விரைவில் தொடங்கவுள்ளது. இந்நிலையில், இந்த திரைப்படத்தில் நடிகர் ராம்சரனுக்கு வில்லனாக நடிப்பது யார் என்பது குறித்த தகவல் தற்போது கிடைத்துள்ளது. அதன்படி, இந்த படத்தில் பைரவா, விஸ்வாசம் போன்ற திரைப்படங்களில் நடித்த ஜெகபதி பாபு நடிக்கவுள்ளதாக தகவல்கள் வெளியாகியுள்ளது. விரைவில் இதுகுறித்த அதிகாரப்பூர்வ அறிவிப்பு வெளியாக்கும் என்று எதிர்பார்க்கப்படுகிறது. ஜெகபதி பாபு ஏற்கனவே ரஜினியின் அண்ணாத்த திரைப்படத்திலும் நடித்து வருகிறார் என்பது குறிப்பிடத்தக்கது.