பரபரப்பு..படப்பிடிப்பு தளத்தில் குண்டுவெடிப்பு..! நடிகர் சஞ்சய் தத்க்கு பலத்த காயம்..!

பாலிவுட் நடிகர் சஞ்சய் தத்-க்கு படப்பிடிப்பு தளத்தில் பலத்த காயம் ஏற்பட்டுள்ளது.

‘கேஜிஎப்’ படத்தில் நடித்ததன் மூலம் பிரபலமான பாலிவுட் நடிகர் சஞ்சய் தத் தற்போது ‘கேடி’ படத்தில் நடித்து வருகிறார். இந்த படத்தின் படப்பிடிப்பு பெங்களூரில் நடந்து வருகிறது. ஃபைட் மாஸ்டர் ரவி வர்மா தலைமையில் மிகப்பெரிய வெடிகுண்டு வெடிக்கும் காட்சி படமாக்கப்பட்டு வருகிறது. அப்போது எதிர்பாராமல் அவர் அருகிலேயே குண்டு வெடித்துள்ளது.

இதனால் சஞ்சய் தத்தின் முகம், கை, தோள்பட்டையில் பலத்த காயம் ஏற்பட்டுள்ளது. இதன் காரணமாக, படப்பிடிப்பு உடனடியாக நிறுத்தப்பட்டு மருத்துவமனைக்கு கொண்டு செல்லப்பட்டார். தற்போது சிகிச்சை நடைபெற்று வருவதாகவும், சஞ்சய் தத்தின் ரசிகர்கள் கவலைப்பட தேவையில்லை என்றும் கன்னட திரையுலக வட்டாரங்கள் தெரிவிக்கின்றன.

மேலும், நடிகர் சஞ்சய் தத் ஏற்கனவே நடிகர் விஜய் நடிப்பில், லோகேஷ் கனகராஜ் இயக்கத்தில் தயாராகி வரும் “லியோ” திரைப்படத்தில் முக்கிய வில்லன் கதாபாத்திரத்தில் நடித்துள்ளார். இந்த படத்தை 7 ஸ்க்ரீன் நிறுவனம் தயாரிக்கிறது என்பது குறிப்பிடத்தக்கது.