உலகம் முழுவதும் வலிமை படத்தின் வசூல் எவ்வளவு தெரியுமா..?
இயக்குனர் ஹெச்.வினோத் இயக்கத்தில் நடிகர் அஜித் குமார் நடிப்பில் கடந்த பிப்ரவரி மாதம் 24-ஆம் தேதி வெளியான திரைப்படம் வலிமை. இந்த திரைப்படம் ரசிகர்களுக்கு மத்தியில் பலத்த வரவேற்பை பெற்று 25-வது நாளாக வெற்றி நடைபோட்டுக்கொண்டு வருகிறது.
இந்த நிலையில், தற்போது இப்படம் உலகம் முழுவதும் எத்தனை கோடி வசூல் செய்துள்ளது என்ற தகவல் கிடைத்துள்ளது. அதன்படி, இப்படம் வெளியான 24 நாட்களில் 230கோடி வசூல் செய்துள்ளதாக தகவல்கள் வெளியாகியுள்ளது. இன்று 25 வது நாள் என்பதால் அஜித் ரசிகர்கள் உற்சாகத்துடன் டேக் செய்து ட்வீட்டரில் கொண்டாடி வருகிறார்கள்.
இந்த படத்தில் ஹீமா குரேஷி, கார்த்திகேயா, புகழ், சுமித்ரா, போன்ற பலர் முக்கியமான கதாபாத்திரத்தில் நடித்துள்ளார்கள். இப்படத்திற்கு யுவன் சங்கர் ராஜா இசையமைத்துள்ளார். பின்னணி இசை இசையமைப்பாளர் ஜிப்ரான் இசையமைத்துள்ளார். படத்தை தயாரிப்பாளர் போனிகபூர் தயாரித்துள்ளார்.
