திமுக சட்டமன்ற உறுப்பினர்கள் கூட்டம்  நடைபெறும் தேதி அறிவிப்பு!

வரும் 15ஆம் தேதி திமுக சட்டமன்ற உறுப்பினர்கள் கூட்டம்  நடைபெறும் என அறிவிக்கப்பட்டுள்ளது. தமிழக சட்டப்பேரவையின் பட்ஜெட் கூட்டத்தொடர் வரும் 15ஆம் தேதி தொடங்கும் என்றும், அன்று காலையில் துணை முதலமைச்சர் ஓ.பன்னீர்செல்வம் நிதி நிலை அறிக்கையை தாக்கல் செய்வார் என்றும் அறிவிக்கப்பட்டுள்ளது.

இந்நிலையில், சென்னை அண்ணா அறிவாலயத்தில் திமுக செயல் தலைவர் மு.க.ஸ்டாலின் தலைமையில், மார்ச் 15ஆம் தேதி மாலை 5 மணிக்கு எம்.எல்.ஏ.க்கள் கூட்டம் நடைபெறும் என்றும் தெரிவிக்கப்பட்டுள்ளது.

தமிழக பட்ஜெட் கூட்டத் தொடரில் எவ்வாறு செயல்படுவது என்பது குறித்தும், காவிரி மேலாண்மை வாரியம் உள்ளிட்ட அரசியல் பிரச்சனைகள் குறித்தும் விவாதிக்கப்படும் என கூறப்படுகிறது.

மேலும் செய்திகளுக்கு தினச்சுவடுடன் இணைந்திருங்கள்.