தடுப்பூசி போடாதவர்களுக்கு டெல்டா வகை கொரோனா வேகமாக பரவ வாய்ப்பு-உலக சுகாதார அமைப்பு..!

கொரோனாவுக்கு எதிராக தடுப்பூசி செலுத்தாதவர்களிடம் டெல்டா வகை கொரோனா வேகமாக பரவ வாய்ப்பு இருப்பதாக உலக சுகாதார அமைப்பின் தலைவர் டெட்ரோஸ் அதானோம் தெரிவித்துள்ளார்.

உலகம் முழுவதும் கொரோனா வைரஸால் பாதிக்கப்பட்டு அதிலிருந்து விடுபட தடுப்பூசி செலுத்தும் பணியை நாடுகள் முன்னெடுத்துள்ளது. கொரோனா வைரசும் உருமாறி டெல்டா, டெல்டா பிளஸ் என்று பரவி வருகிறது. இந்நிலையில் செய்தியாளர்களிடம் பேசிய உலக சுகாதார அமைப்பின் தலைவர் டெட்ரோஸ் அதானோம், கொரோனா வைரஸ் வகைகளிலே டெல்டா வகை கொரோனாவுக்கு அதிக அளவு பரவும் தன்மை இருப்பதாக தெரிவித்துள்ளார். இந்த டெல்டா வைரஸ் 85 நாடுகளில் பரவி உள்ளது. இது கொரோனா வகைகளில் மிக விரைவாக பரவக்கூடியது.

தற்போது பல நாடுகளில் கொரோனா குறைந்து வருவதன் காரணத்தால் தளர்வுகளை அறிவித்து வருகின்றனர். ஆனால், இந்த வகை கொரோனா வேகமாக பரவி பல எண்ணிக்கை அளவு தொற்று எண்ணிக்கையை அதிகரித்து விடும். அதனால் மக்கள் வெளியே கூட்டமாக கூடுவதை தவிர்த்தும், கொரோனா தடுப்பு நடவடிக்கைகளை கடைப்பிடித்தும் இருக்க வேண்டும் என்று கூறியுள்ளார்.

மேலும், கொரோனா போன்ற தீநுண்மி தனது இடத்தை தக்கவைக்க உருமாறி மீண்டும் ஏற்படும். புதிது புதிதாக கொரோனா வகைகள் தோன்றும் என்று உலக சுகாதார அமைப்பின் கொரோனா தொழிநுட்ப பிரிவின் தலைவர், மரியா வேன் கெர்கோவ் தெரிவித்துள்ளார்.