காற்று மாசு அதிகமுள்ள தலைநகரங்களில் பட்டியலில் டெல்லி முதலிடம்..!

உலகில் காற்றுமாசு அதிகம் உள்ள நாடாக பங்களாதேஷும், காற்றுமாசு அதிகம் உள்ள தலைநகரங்களின் பட்டியலில் டெல்லியும் முதல் இடத்தில் உள்ளது என ஆய்வில் தகவல். 

கடந்த ஆண்டு உலக சுகாதார அமைப்பு, காற்று மாசுபாட்டுக்கான பாதுகாப்பு வரம்பை மாற்றியமைத்தது. அதன்படி, காற்றில் உள்ள துகள்களின் சராசரி 1 மீட்டர் கனசதுரத்திற்கு 5 மைக்ரோகிராம்களுக்கு குறைவாக இருக்க வேண்டும் என தெரிவிக்கப்பட்டது.

காற்று மாசு குறித்து ஆய்வு 

உலக சுகாதார அமைப்பால் காற்று மாசுபாட்டின் பாதுகாப்புக்காக பரிந்துரைக்கப்பட்ட அளவானது எந்த ஒரு நாட்டிலும் பதிவாகவில்லை. இந்த நிலையில், சுவிட்சர்லாந்து நாட்டின் மாசு தொழில்நுட்ப நிறுவனம், உலகம் முழுவதும் சுமார் 6,475 நகரங்களில் மாசு தரவுகள் குறித்து கணக்கெடுப்பு நடத்தியது.

டெல்லி முதலிடம் 

இந்த ஆய்வில், உலகில் காற்றுமாசு அதிகம் உள்ள நாடாக பங்களாதேஷும், காற்றுமாசு அதிகம் உள்ள தலைநகரங்களின் பட்டியலில் டெல்லியும் முதல் இடத்தில் உள்ளது. உலக சுகாதார அமைப்பு பரிந்துரைத்த அளவை விட 93 நகரங்களில் 10 மடங்கு அதிக மாசுபாடு இருப்பதும் ஆய்வில் தெரியவந்துள்ளது.