அமெரிக்காவில் முதல் முறையாக கொடிய பாக்டீரியா கண்டுபிடிப்பு!

தெற்கு மிசிசிப்பியின் வளைகுடா கடற்கரைப் பகுதியில், பர்கோல்டேரியா சூடோமல்லி என்ற கொடிய பாக்டீரியா கண்டுபிடிப்பு.

அமெரிக்காவில் உள்ள நீர் மற்றும் மண் மாதிரிகளில் முதன்முறையாக ஒரு கொடிய பாக்டீரியா கண்டறியப்பட்டுள்ளது. இதனால் நோய் கட்டுப்பாடு மற்றும் தடுப்பு மையங்கள் நேற்று நாடு முழுவதும் உள்ள மருத்துவர்கள் மற்றும் பொது சுகாதார நிபுணர்களுக்கு நோயாளிகளை பரிசோதிக்கும் போது அதை கவனத்தில் கொள்ளும்படி எச்சரிக்கை விடுத்துள்ளது. தெற்கு மிசிசிப்பியின் வளைகுடா கடற்கரைப் பகுதியில், பர்கோல்டேரியா சூடோமல்லி (Burkholderia pseudomallei) என்ற கொடிய பாக்டீரியா கண்டறியப்பட்டதாக கூறப்படுகிறது.

சி.டி.சி படி, பாக்டீரியாவின் வெளிப்பாடு மெலியோய்டோசிஸ், அரிதான மற்றும் தீவிர நோய் ஏற்படலாம். 2019ஆம் ஆண்டின் ஆய்வின்படி, வெளிப்படும் ஒவ்வொரு 4,600 பேரில் ஒருவருக்கு இந்நோய் இருப்பது கண்டறியப்பட்டுள்ளது. மெலியோடோசிஸால் ஆண்டுதோறும் சுமார் 90,000 பேர் இறப்பதாகவும் ஆய்வில் கண்டறியப்பட்டுள்ளது. மண்ணில் நன்கு நிலை நிறுத்தப்பட்ட பிறகு, சூடோமல்லியை என்ற பாக்ட்ரியாவை மண்ணிலிருந்து அகற்ற முடியாது என்று சி.டி.சி கூறுகிறது. எனவே, பொது சுகாதார முயற்சிகள் முதன்மையாக பாதிப்பின் அடையாளத்தை மேம்படுத்துவதில் கவனம் செலுத்த வேண்டும், இதனால் பொருத்தமான சிகிச்சையை நிர்வகிக்க முடியும் என தெரிவிக்கப்படுகிறது.

வளைகுடா கடற்கரைப் பகுதியில் ஒருவருக்கு மெலியோய்டோசிஸ் இருப்பது கண்டறியப்பட்டபோது, குறைந்தபட்சம் 2020 முதல் மிசிசிப்பி பிராந்தியத்தில் பாக்டீரியா இருப்பதாக மாதிரிகள் காட்டுகின்றன. இருப்பினும் B. சூடோமல்லி என்றும் அழைக்கப்படும் Burkholderia pseudomallei, எவ்வளவு காலம் உள்ளது என்பது தெளிவாகத் தெரியவில்லை. தெற்கு மற்றும் தென்கிழக்கு ஆசியா, வடக்கு ஆஸ்திரேலியா மற்றும் மத்திய மற்றும் தென் அமெரிக்காவின் சில பகுதிகள் போன்ற உலகெங்கிலும் உள்ள வெப்பமண்டல மற்றும் மிதவெப்ப மண்டல காலநிலை கொண்ட பகுதிகளில் பாக்டீரியா முன்னர் கண்டறியப்பட்டது என்றும் தெரிவிக்கப்படுகிறது.

மிசிசிப்பியில் ஜூலை 2020, மற்றொன்று மே 2022 இல் அப்பகுதியில் உள்ள இரண்டு நோயாளிகள் மெலியோய்டோசிஸ் நோய் தொற்று கண்டறியயப்பட்ட பிறகு, தற்போது மிசிசிப்பியில் சுற்றுச்சூழல் மாதிரி எடுக்கப்பட்டது. அந்த நோயாளிகள் இருவரும் மருத்துவமனையில் அனுமதிக்கப்பட்டு ஆண்டிபயாடிக் சிகிச்சைக்குப் பிறகு மீட்கப்பட்டனர். இதன்பின் கடந்த மாதம், மிசிசிப்பி மாநில சுகாதாரத் துறை மற்றும் சி.டி.சி,  நோயாளிகளின் சொத்துக்கள், வீட்டுப் பொருட்கள் மற்றும் அவர்கள் அடிக்கடி செல்லும் அருகிலுள்ள பகுதிகளிலிருந்து மண், நீர் மற்றும் தாவரப் பொருட்களின் சுற்றுச்சூழல் மாதிரிகளை சேகரித்தனர்.