ருத்ர தாண்டவம் படத்தின் டப்பிங் பணிகளை முடித்த தர்ஷா குப்தா..!!

ருத்ர தாண்டவம் படத்தின் டப்பிங் பணிகளை நடிகை தர்ஷா குப்தா முடித்துள்ளார். 

இயக்குனர் மோகன் ஜி இயக்கத்தில் வெளியான திரௌபதி திரைப்படம் ரசிகர்களுக்கு மத்தியில் பலத்த வரவேற்பை பெற்றது. இந்த வெற்றியை தொடர்ந்து அடுத்தாக இயக்குனர் மோகன் ஜி ருத்ரதாண்டவம் என்ற திரைப்படத்தை இயக்கவுள்ளார். இந்த படத்திலும் நடிகர் ரிச்சர்ட் ரிசி கதாநாயகனாக நடிக்கிறார். அவருக்கு ஜோடியாக நடிகை தர்ஷா குப்தா நடிக்கிறார்.

இந்த படத்தை ஜி.எம். பிலிம் நிறுவனம் தயாரித்துள்ளது மேலும் இசையமைப்பாளர் ஜிபின் இந்த படத்திற்கு இசையமைத்து வருகிறார். கடந்த ஆண்டு டிசம்பர் மாதம் படத்திற்கான படப்பிடிப்பு தொடங்கப்பட்டு கடந்த சில நாட்களுக்கு முன்பு படத்தின் படப்பிடிப்பு முடிந்தது.

இந்த நிலையில் தற்போது இந்த ருத்ர தாண்டவம் திரைப்படத்திற்கான டப்பிங் பணிகளை நடிகை தர்ஷா குப்தா முடித்துள்ளார். இதனால் படத்திற்கான ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது.