கொரோனாவிலிருந்து மீண்டு வரும் டார்லிங் பட நடிகை.!

கொரோனாவால் பாதிக்கப்பட்டு தற்போது மீண்டு வருவதாக நிக்கி கல்ராணி தெரிவித்துள்ளார்.

மலையாள படத்தின் மூலம் சினிமாயுலகில் அறிமுகமான நிக்கி கல்ராணி ஜி. வி. பிரகாஷூடன் இணைந்து டார்லிங் என்ற படத்தின் மூலம் தமிழ் சினிமாவில் அறிமுகமானார். அதனையடுத்து பல தமிழ் மற்றும் மலையாள படங்களில் நடித்து முன்னணி நடிகைகளில் ஒருவராக வலம் வந்து கொண்டிருக்கிறார் நிக்கி கல்ராணி. இவர் தற்போது கதிர்வேலு இயக்கத்தில் சசிகுமாருக்கு ஜோடியாக ராஜ வம்சம் என்ற திரைப்படத்தில் நடித்து வருகிறார். மேலும் ராகவா லாரன்ஸூடன் இணைந்து தெலுங்கு பட ரீமேக்கில் நடிக்க உள்ளதாகவும் கூறப்படுகிறது.

இந்த நிலையில் கடந்த ஒரு வாரத்திற்கு முன்பு இவருக்கு கொரோனா தொற்று உறுதி செய்யப்பட்டதாகவும், தற்போது அதிலிருந்து மீண்டு வருவதாகவும் கூறியுள்ளார். தனக்கு காய்ச்சல், தொண்டை வலி போன்ற லேசான அறிகுறிகள் மட்டுமே இருந்ததாகவும், அதனையடுத்து வீட்டில் தன்னை தனிமைப்படுத்தி மருத்துவர்களின் பரிந்துரைகளின் படி அனைத்தையும் பின்பற்றி தற்போது நலமாக உள்ளதாகவும் கூறியுள்ளார். மேலும் வெளியே இருந்து தன்னை நன்றாக பார்த்து கொண்ட எனது நெருக்கமானவர்களுக்கு நன்றி என்றும், அனைத்து முன்னணி சுகாதார பணியாளர்களுக்கும் குறிப்பாக சென்னை மற்றும் தமிழ்நாடு சுகாதார பணியாளர்களின் நிலையான ஆதரவுக்காக இதயம் கனிந்த நன்றி என்றும் கூறியுள்ளார். தற்போது அவருக்கு பலர் வாழ்த்துக்களை தெரிவித்து வருகின்றனர்.

I was tested Positive for #COVID-19 last week.
I’m on my way to recovery and feeling much better now ????????????
I’d like to thank my close ones for looking out for me, all the frontline Health Workers & mainly the #Chennai #TamilNadu #Corporation for their Constant Support ♥️ pic.twitter.com/bk6QsIqqZz

— Nikki Galrani (@nikkigalrani) August 13, 2020