உயிர்கொல்லி கொடிய கொரோனா வைரஸ் பிடியில் சிக்கி தற்போது மீண்டுள்ள சீனவில் நடைபெறும் நாடாளுமன்றத்தின் வருடாந்திர கூட்டத்தொடர், கடந்த மார்ச் மாதம் நடைபெற இருந்தது. ஆனால், கொரோனா வைரஸ் தொற்றின் கோரத்தாண்டவத்தால், ஒத்திவைக்கப்பட்ட வைக்கப்பட்ட நாடாளுமன்ற கூட்டத்தொடர், வருகிற 22-ந் தேதி தொடங்குவதாக தற்போது அறிவிக்கப்பட்டுள்ளது. எனவே நாடாளுமன்ற கூட்டத்தொடர் நடைபெறுவதையொட்டி, ஆளும் சீன கம்யூனிஸ்டு கட்சியின் மத்திய குழு கூட்டம் நேற்று நடைபெற்றது. அதில் பங்கேற்று பேசிய சீன அதிபர் ஜின்பிங் கூறியதாவது, கொடிய கொரோனா வைரஸ் தொற்றுக்கு எதிராக நாடு முழுவதும் நடந்த போரில், சீனா மிகப்பெரிய போர்த்திற சாதனையை படைத்துள்ளது என்றும், சீனாவின் இந்த கடின முயற்சிகளுக்கு நல்ல பலன் கிடைத்துள்ளது என்றும் எனினும் வூகான் நகரம் அடங்கிய ஹுபெய் மாகாணத்தில் சமுதாய பரவல் நிலையை எட்டிவிடாமல் தடுப்பதற்கான தற்போது மேலும் நடவடிக்கைகளை தீவிரப்படுத்த வேண்டும். ரஷியாவை ஒட்டிய ஹெய்லாங்ஜியாங் மாகாணத்தில், ரஷியாவில் இருந்து திரும்பிய சீனர்களுக்கு நோய் பாதிப்பு ஏற்பட்டது. அங்கும் அதிகாரிகள் விழிப்புடன் இருக்க வேண்டும். வர்த்தக நிறுவனங்கள் மீண்டும் திறக்கப்பட வேண்டும். சிறு, குறு தொழில்களுக்கு புத்துயிரூட்ட வேண்டும். வாகன உற்பத்தி தொழில்கள், மின்னணு பொருட்கள் உற்பத்தி தொழில்களை ஊக்குவிக்க வேண்டும் என்றும், சீனாவில், வேளாண் உற்பத்தியை ஊக்குவித்து, விவசாயிகளுக்கு நல்ல வருவாய் கிடைக்கச் செய்ய வேண்டும் என்றும், கஷ்டப்பட்டு படைத்த சாதனைகளை பாதுகாக்கும்வகையில், நோய் தடுப்பு நடவடிக்கைகளில் எந்த தளர்வும் இருக்கக்கூடாது என்று சீன அதிபர் ஜின்பிங் அந்த சீன கம்யூனிஸ்டு கட்சியின் மத்திய குழு கூட்டத்தில் பேசினார்.
