கொரோனா பிடியில் சிக்கி தவிக்கும் அமெரிக்கா.! 24 மணிநேரத்தில் 1,830 பேர் பலி.!

உலக நாடுகளை அச்சுறுத்தி வருகிறது கொரோனா வைரஸ். இதன் காரணமாக உலக நாடுகளில் பொதுமக்களின் இயல்பு வாழ்க்கை முடங்கியுள்ளது. 

உலகம் முழுக்க இதுவரை 17,90, 956 பேருக்கு கொரோனா தொற்று உறுதியாகியுள்ளது. 1,09,664 பேர் இந்த கொரோனா வைரஸால் இறந்துள்ளனர். 4 லட்சத்திற்கும் அதிகமானோர் கொரோனாவில் இருந்து மீண்டுள்ளனர். 

இதில் உலக வல்லரசு நாடாக கருதப்படும் அமெரிக்கா தான் முதலிடத்தில் உள்ளது. இதுவரை அங்கு கொரோனாவால் பாதிக்கப்பட்டோர் எண்ணிக்கை 5,33,115-ஆக அதிகரித்துள்ளது. கடந்த 24 மணிநேரத்தில் மட்டுமே 30 ஆயிரத்திற்கும் அதிகமானோர் கொரோனாவால் பாதிக்கப்பட்டுள்ளது உறுதி செய்யப்பட்டுள்ளது. 

இறந்தவர்களின் எண்ணிக்கை இதுவரை 20,589-ஆக உள்ளது. கடந்த 24 மணிநேரத்தில் 1830 பேர் இறந்துள்ளனர். இதுவரை கொரோனாவில் இருந்து மீண்டவர்கள் எண்ணிக்கை 30,502-ஆக உள்ளது.