டெல்லியில் அதிகரிக்கும் கொரோனா! அனைத்து கட்சி கூட்டத்திற்கு அழைப்பு விடுத்த டெல்லி முதல்வர்!

டெல்லியில் அனைத்து கட்சி கூட்டத்திற்கு அழைப்பு விடுத்த டெல்லி முதல்வர்.

இந்தியா முழுவதும் கொரோனா வைரஸ் அதிகரித்து வருகிற நிலையில், தலைநகர் டெல்லியில் கடந்த சில வாரங்களாகவே, கொரோனா பாதிப்பு அதிகரித்து வருகிறது.  இதற்க்கு தீர்வு காணும் வகையில், டெல்லி முதல்வர் அரவிந்த் கெஜ்ரிவால், வைரஸை கட்டுப்படுத்தும் முறைகள் குறித்து ஆலோசிக்க அனைத்துக் கட்சிக் கூட்டத்திற்கு அழைப்பு விடுத்துள்ளார்.

டெல்லியில் துர்கா பூஜை தீபாவளி முதலிய பண்டிகைகளை மக்கள் கொண்டாடிய நிலையில் இந்த பண்டிகையின் போது மக்கள் சமூக விலகலை பின்பற்றாதது மற்றும் அதிகரித்து வரும் காற்று மாசு  போன்ற காரணங்களால், கொரோனா பாதிப்பு அதிகரித்து வருகிறது.  டெல்லியில், கடந்த 24 மணி நேரத்தில் மட்டும் அதிகபட்சமாக 131 பேர் இந்த வைரஸ் பாதிப்பால் உயிரிழந்துள்ள நிலையில், 7,486 பேருக்கு புதிதாக தொற்று ஏற்பட்டுள்ளது. டெல்லியில் இந்த வைரஸால் பாதிக்கப்பட்டவர்களின் எண்ணிக்கை 5 லட்சத்தை கடந்துள்ளது குறிப்பிடத்தக்கது.