உலக அளவில் 11 லட்சத்தை நெருங்கும் கொரோனா பலி எண்ணிக்கை!

உலக அளவில் 11 லட்சத்தை நெருங்கும் கொரோனா பலி எண்ணிக்கை.

முதலில் சீனாவில் பரவிய கொரோனா வைரஸ், தொடர்ந்து பல நாடுகளில் தனது ஆதிக்கத்தை செலுத்தி வருகிறது.இந்த வைரஸ் பாதிப்பு நாளுக்கு நாள் அதிகரித்து வருகிற நிலையில், இதற்கு தடுப்பூசி கண்டுபிடிக்கும் பணிகள் தீவிரமாக நடைபெற்று வருகிறது. இருப்பினும் இந்த வைரஸால் பாதிக்கப்படுவோரின்  எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்து வருகிறது.

இந்நிலையில், உலக அளவில் கொரோனா பாதிப்பில், அமெரிக்கா, இந்தியா, பிரேசில் ஆகிய நாடுகள் முதல் மூன்று இடத்தில் உள்ள நிலையில், உலக ளவில் இதுவரை கொரோனா வைரஸால், 38,743,864  பேர் பாதிக்கப்பட்டுள்ளனர். மேலும் இந்த வைரஸ் பாதிப்பால், 1,096,876 பேர் உயிரிழந்துள்ள நிலையில், 29,123,542 பேர் குணமடைந்து வீடு திரும்பியுள்ளனர்.