ரஷ்யாவில் கொரோனாவால் உயிரிழந்தோரின் எண்ணிக்கை 7000-ஐ கடந்தது

ரஷ்யாவில் கொரோனா வைரசால் கடந்த 24 மணிநேரத்தில் 143 பேர் உயிரிழந்துள்ளதால், அந்நாட்டில் கொரோனா பாதித்தோரின் எண்ணிக்கை 7000-ஐ கடந்தது.

உலகளவில் கொரோனா வைரஸின் தாக்கம் நாளுக்கு நாள் அதிகரித்து வருகிறது. இதில் உலகளவில் கொரோனா பாதித்தோரின் பட்டியலில் ரஷ்யா மூன்றாம் இடத்தில் உள்ளது. அங்கு ஒரேநாளில் சாரிசாரியாக 9 ஆயிரம் முதல் 10 ஆயிரம் பேர் கொரோனவால் பாதிக்கப்பட்டு வருகின்றனர்.

இந்நிலையில், ரஷ்யாவில் கடந்த 24 மணிநேரத்தில் 8,246 பேருக்கு கொரோனா தொற்று உறுதியானதால், அந்நாட்டில் கொரோனா பாதித்தோரின் எண்ணிக்கை 5,37,210 ஆக அதிகரித்துள்ளது. மேலும், குணமடைந்தோர் எண்ணிக்கை 2,84,539 ஆக உயர்ந்துள்ளது.

இதில் ஒரே நாளில் 143 பேர் உயிரிழந்த நிலையில், உயிரிழந்தோரின் எண்ணிக்கை 7,091 ஆக உயர்ந்துள்ளதாக அந்நாட்டு சுகாதார துறை அமைச்சகம் தெரிவித்தது. மேலும், நாளுக்கு நாள் கொரோனாவால் உயிரிழந்தோரின் எண்ணிக்கை அதிகமடைந்து வருவது, மக்களிடையே அச்சத்தை ஏற்படுத்தி வருகிறது.