அமெரிக்காவை அதிர வைக்கும் கொரோனா பலி எண்ணிக்கை!

வைரஸ் தாக்கத்தால் நேற்று மட்டும், அமெரிக்காவில், 2,528 பேர் உயிரிழந்துள்ளனர்.

முதலில் சீனாவில் பரவிய கொரோனா வைரஸ் தொடர்ந்து, 200-க்கும் மேற்பட்ட நாடுகளை தாக்கியுள்ளது.  இந்த வைரஸின் தாக்கம் நாளுக்குநாள் அதிகரித்த வண்ணம் உள்ளது. இந்த வைரஸை அழிக்க உலகநாடுகள் தீவிரமாக மருந்து கண்டுபிடிக்கும் பணியில் ஈடுபட்டுள்ள நிலையில், இதுவரை இதற்கான மருந்துகள் கண்டுபிடிக்கப்படவில்லை. 

இந்நிலையில், இந்த கொரோனா வைரஸால் உலக அளவில் இதுவரை 3,822,860 பேர் பாதிக்கப்பட்டுள்ளனர். 265,076 பேர் உயிரிழந்துள்ளனர். அந்த வகையில், உலக அளவில் இந்த வைரஸால் அதிகம் பாதிக்கப்பட்டவர்களின் எண்ணிக்கையிலும், உயிரிழந்தவர்களின் எண்ணிக்கையிலும் முதலிடத்தில் இருப்பது வல்லரசு நாடான அமெரிக்கா தான். 

இந்நிலையில், அமெரிக்காவில் இதுவரை 1,263,092 பேர் இந்த வைரஸால் பாதிக்கப்பட்டுள்ள நிலையில், 74,799 பேர் இந்த வைரஸ் தாக்கத்தால் உயிரிழந்துள்ளனர். இந்த வைரஸ் தாக்கத்திற்கு நேற்று மட்டும், அமெரிக்காவில், 2,528 பேர் உயிரிழந்துள்ளனர். நாளுக்குநாள் அதிகரிக்கும் பலி எண்ணிக்கை, அங்குள்ள மக்களை அச்சத்தில் ஆழ்த்தியுள்ளது.