கம்பெனிக்கே லீவு., எல்லாரும் பீஸ்ட் படத்துக்கு போங்க.! அறிவித்துவரும் நிறுவனங்கள்..!

ஒட்டுமொத்த சினிமா ரசிகர்கள் ஆவலுடன் எதிர்பார்த்து காத்துள்ள விஜய் நடித்த “பீஸ்ட்” திரைப்படம் நாளை திரையரங்குகளில் வெளியாகவுள்ளது. இதனால் ரசிகர்கள் பேனர்களை வைத்து படத்தின் ப்ரோமோஷன் பண்ணியில் தீவிரமாக ஈடுபட்டு வருகிறார்கள்.

அதைபோல், ரசிகர்களின் எதிர்பார்ப்பை அதிகப்படுத்தும் வகையில், பீஸ்ட் படக்குழுவினரும் தினம் தினம் சூப்பர் ப்ரோமோ மற்றும் அட்டகாசமான போஸ்டர்களை வெளியிட்டு எதிர்பார்ப்பை அதிகப்படுத்தி வருகிறார்கள்.

இந்நிலையில், பீஸ்ட் படம் பார்க்க பலர் தாங்கள் வேலை செய்யும் நிறுவனங்களில் விடுப்பு விண்ணப்பம் கொடுத்துள்ளனர். இதனை தவிர்க்கும் வகையில், சென்னை மற்றும் திருப்பூரில் உள்ள சில தனியார் நிறுவனங்களில் பீஸ்ட் படம் பார்க்க ஊழியர்களுக்கு டிக்கெட்டுடன் விடுமுறையையும் அளிக்கப்பட்டுள்ளது. இந்த செய்தி தற்போது இணையத்தில் வைரலாகி வருகிறது. இதற்கு முன்பு ரஜினி நடிப்பில் வெளியான கபாலி படத்திற்கு விடுமுறை அளிக்கப்பட்டிருந்தது என்பது குறிப்பிடத்தக்கது.