#CINEBREAKING: இரண்டு ரிலீஸ் தேதியை அறிவித்த ஒரே திரைப்படம் RRR!

பாகுபலி படத்துக்கு பிறகு இயக்குநர் ராஜமௌலி இயக்கியுள்ள RRR திரைப்படம் வெளியீடு குறித்து படக்குழு இரண்டு ரிலீஸ் தேதியை அறிவித்துள்ளது.

ஜுனியர் என்டிஆர், ராம் சரண், ஆலியா பட் உள்ளிட்ட நட்சத்திர பட்டாளமே நடித்து உருவாகியிருக்கும் படம் ஆர்ஆர்ஆர். பாகுபலி படத்துக்கு பிறகு இயக்குநர் ராஜமௌலி இயக்கும் படம் என்பதால் இந்தப் படத்தின் மீதான எதிர்பார்ப்பு எகிறியுள்ளது. இந்தப் படம் முழுவதுமாக நிறைவடைந்த நிலையில் ஜனவரி 7-ஆம் தேதி திரைக்கு வரும் என அறிவிக்கப்பட்டது. இதன்பின் நாடு முழுவதும் கொரோனா மற்றும் ஒமைக்ரான் பரவல் அதிகரித்திருப்பதன் காரணமாக பல்வேறு மாநிலங்களில் திரையரங்குகளில் 50% மட்டுமே அனுமதி வழங்கப்பட்டுள்ளது. மேலும் இரவுநேர ஊரடங்கு உள்ளிட்ட பல்வேறு கொரோனா கட்டுப்பாடுகள் விதிக்கப்பட்டுள்ளது.

இதனால் RRR திரைப்படம் படம் ஏப்ரல் மாதத்துக்கு தள்ளி வைக்கப்பட உள்ளதாக தகவல் வெளியானது. இந்த நிலையில், RRR திரைப்படம் குழுவினர் இரண்டு ரிலீஸ் தேதியை அறிவித்துள்ளனர். படக்குழு வெளியிட்டுள்ள அறிவிப்பில், நாட்டில் கொரோனா தொற்று பரவல் குறைந்து, அனைத்து திரையரங்குகளும் 100 சதவீதத்துடன் திறந்தால் மார்ச் 18, 2022 அன்று படத்தை வெளியிட நாங்கள் தயாராக இருக்கிறோம். இல்லையெனில் RRR திரைப்படம் ஏப்ரல் 28 அன்று வெளியிடப்படும் என்றும் தெரிவித்துள்ளனர். இதனால் இரண்டு ரிலீஸ் தேதியை அறிவித்த ஒரே திரைப்படம் RRR என்பதாகும்.