வருங்கால துணையை இப்படி தேர்வு செய்யுங்கள் – நடிகை ஷாலு ஷம்முவின் அறிவுரை!

வாழ்க்கை துணையாக தேர்ந்தெடுக்க்கும் பொழுது அவர் ங்கள் பெற்றோருக்கு பிடித்தவராக இருக்க வேண்டும் என்ற அவசியமில்லை, உங்களுக்கு நல்லவராக தெரிகிறதா என்று பாருங்கள் என ஷாலு ஷம்மு தனது சமூக வலைத்தள பக்கத்தில் பதிவு ஒன்றை வெளியிட்டுள்ளார்.

தமிழில் வருத்தப்படாத வாலிபர் சங்கம் எனும் படத்தில் நடிகர் சிவகார்த்திகேயன் பரோட்டா சூரி, ஸ்ரீதிவ்யா ஆகியோருடன் இணைந்து நடித்து பிரபலமாகிய நடிகை தான் ஷாலு ஷம்மு. இந்த திரைப்படத்திற்கு பிறகு தமிழுக்கு எண் ஒன்றை அழுத்தவும், சகலகலா வல்லவன், மிஸ்டர் லோக்கல் உள்ளிட்ட படங்களில் நடித்துள்ள இவர், தற்பொழுது அவ்வளவாக படங்களில் நடிக்காவிட்டாலும் அவ்வப்போது தனது கவர்ச்சி புகைப்படங்களை சமூக வலைதளங்களில் பதிவிட்டு வருகிறார். தனது சமூக வலைதளப் பக்கங்களில் எப்பொழுதும் ஆக்டிவாக இருக்கக்கூடிய ஷாலு ஷம்மு வருங்கால கணவரை எப்படி தேர்ந்தெடுக்க வேண்டும் என்பது குறித்த பதிவு ஒன்றை வெளியிட்டுள்ளார்.

அதில் உங்களது வருங்கால கணவர் உங்கள் பெற்றோருக்கு பிடித்தவராக இருக்க வேண்டும் என்ற அவசியம் இல்லை. உங்கள் மனதிற்கு அவர் நல்லவராக தெரிகிறாரா என்பதை மட்டும் பாருங்கள். மேலும் அவர் உங்களுக்கு பணம் அதிகளவில் கொடுக்கக் கூடியவராக இருக்கவேண்டும் என்று விரும்பாமல், உங்கள் வாழ்க்கையை உணர்வுபர்வமாக முழுமையாக்க கூடியவராக இருப்பாரா என்பதை யோசித்து உங்கள் வாழ்க்கைத் துணையை தேர்ந்தெடுங்கள் என கூறியுள்ளார்.