சீனாவில் ஆயுள் முழுவதும் அதிபராக இருக்கத் தயாராகும் ஜி ஜின்பிங்?இன்று தொடங்குகிறது வாக்கெடுப்பு …….

அதிபராகப் பொறுப்பேற்க சீனாவில் ஒருவர் இரண்டு முறை மட்டும்தான்  முடியும். தற்போது அந்தச் சட்டத்தைத் திருத்தி  ஜி ஜின்பிங் அதிபராகஆயுள் முழுவதும்  இருப்பதற்கான வாக்கெடுப்பு சீன நாடாளுமன்றத்தில் இன்று நடக்கிறது. சீன கம்யூனிச கட்சி வசம்தான் ஆட்சி அதிகாரம் அனைத்தும் உள்ளது. இதனால், இந்த வாக்கெடுப்பு வெற்றிகரமாக முடியும் என்றே எதிர்பார்க்கப்படுகிறது.

சீனாவில் முன்பு ஒருவர் எத்தனை முறை வேண்டுமானாலும் அதிபராக ஆட்சி அதிகாரத்தில் இருக்கலாம்.இதில் மாற்றம் கொண்டுவரும் முயற்சியை சீன பொதுவுடமைக் கட்சியின் முன்னாள் தலைவர் 1970ம் ஆண்டு டங் சியோவுபிங்  மேற்கொண்டார். இதன்விளைவாக, இரண்டு முறைக்கு மேல் ஒருவர் அதிபராக இருக்கத் தடை விதிக்கும் சட்ட திருத்தம் கொண்டு வரப்பட்டது. இதன்மூலம் ஒருவரே தொடர்ந்து ஆட்சி அதிகாரத்தில் இருப்பது தடை செய்யப்பட்டது.

ஆனால், தற்போது அதிபராக இருக்கும் ஜி ஜின்பிங் தொடர்ந்து ஆட்சியில் இருக்க விரும்புகிறார். இதனால், சட்டத்தில் திருத்தம் மேற்கொள்ள உள்ளார். 2980 உறுப்பினர்கள் கொண்ட தேசிய மக்கள் காங்கிரஸில் பாதிக்கும் மேற்பட்டவர்கள் இதற்கு ஆதரவு தெரிவித்தால் சட்டத்திருத்தம் மேற்கொள்ளப்படும். இருப்பினும் மூன்றில் இரண்டு பகுதியினருக்கு மேல் ஆதரவு அளிப்பார்கள் என்று எதிர்பார்க்கப்படுகிறது. இதுதவிர, மேலும் 10 சட்டத் திருத்தங்கள் கொண்டுவரப்பட உள்ளன.

இன்றைய வாக்கெடுப்பைத் தொடர்ந்து சீன அதிபராக ஜி ஜின்பிங் ஆயுள் முழுக்க, அவர் விருப்பம்போலத் தொடர்வார் என்று எதிர்பார்க்கப்படுகிறது.

மேலும் செய்திகளுக்கு தினச்சுவடுடன் இணைந்திருங்கள்.