இன்னும் 6 சபை வாக்குகள் பெற்றால் பைடன் அதிபராக தேர்ந்தெடுக்கப்படவுள்ள நிலையில், ட்விட்டரில் #ByeByeTrump என்ற ஹாஷ்டாக் ட்ரெண்டாகி வருகிறது.
உலகமே எதிர்பார்த்து இருக்கும் அமெரிக்க அதிபர் தேர்தலானது மிகவும் விறுவிறுப்பாக நடைபெற்றது. அந்த வாக்குகளை எண்ணும் பணிகள், நேற்று முன்தினம் நடைபெற்று வருகிறது. இந்த வாக்கு எண்ணிக்கையில் குடியரசு கட்சி வேட்பாளர் டொனால்ட் டிரம்ப் மற்றும் ஜனநாயக கட்சி வேட்பாளர் ஜோ பைடனுக்கும் இடையே கடுமையான போட்டி நிலவி வருகிறது.
இந்த வாக்கு எண்ணிக்கையில் பல்வேறு மாகாணங்களில் வெற்றி அறிவிக்கப்பட்டது. தற்போதைய நிலவரப்படி ஜனநாயக கட்சி வேட்பாளர் ஜோ பைடன், 264 சபை வாக்குகளை பெற்றுள்ளார். அவர் வெற்றி பெறுவதற்கு இன்னும் 6 இடங்கள் தேவையாக உள்ளது. ஆனால் அவரை எதிர்த்து போட்டியிட்ட டிரம்ப், 214 சபை வாக்குகளை பெற்று பின்னடைவில் இருக்கிறார். மேலும், தபால் வாக்குகள் மட்டுமே 10 கோடிக்கு மேல் இருக்கும் காரணத்தினால், அதனை எண்ணுவதற்கு காலதாமதம் ஆகும் என ஏற்கனவே கூறப்பட்டது.
அதிபர் தேர்தலில் முக்கியமான மாகாணங்களான பென்சில்வேனியா, மிச்சிகனில் தபால் வாக்குகளை எண்ணுவதிலும், பைடனுக்கு ஆதரவாக முறைகேடுகள் நடப்பதாகவும் அவர் குற்றம்சாட்டி வந்த நிலையில் டிரம்ப், உச்சநீதிமன்றத்தில் வழக்கு தொடர்ந்தார். மேலும், விஸ்கான்சின் மாகாணத்தில் மறு வாக்குஎண்ணிக்கை நடத்தக்கோரியும் வழக்குப்பதிவு செய்தார்.
இந்த வழக்குகள் விரைவில் விசாரணைக்கு வருமென எதிர்பார்க்கப்படுகிறது. இந்த வழக்குகளை சந்திக்க பைடனும் தீவிரமாக தயாராகி வருகிறார். இந்த வழக்குகள் நிலுவையில் உள்ள நிலையில், அதிபர் யார் என அறிவிப்பதில் தாமதம் ஏற்படும் என தகவல்கள் வெளியானது.
மிச்சிகன் மாகாணத்தில் பைடனை விட டிரம்ப் குறைவிலான வாக்கு வித்தியாசத்தில் இருக்கிறார். மேலும், பென்சில்வேனியாவில் டிரம்ப் முன்னிலை வகித்து வந்தார். ஆனால், தபால் வாக்குகளை எண்ணத் தொடங்கியதும் பைடன் முன்னிலையில் வரத் தொடங்கினார். டிரம்ப் முன்னிலையில் இருந்தாலும், அவர் வெற்றிபெறுவது கடினம் என அந்நாட்டு ஊடங்கள் தெரிவித்து வருகிறது.
இந்நிலையில், அமெரிக்காவில் அடுத்த அதிபர் பைடன் தான் எனவும், டிரம்ப்க்கு “பாய் பாய்” என அந்நாட்டு மக்கள், #ByeByeTrump என்ற ஹாஷ்டாக் மூலம் தங்களின் கருத்துக்களை தெரிவித்து வருகின்றனர். இதனால் ட்விட்டரில் அந்த ஹாஷ்டாக் ட்ரெண்டாகி வருகிறது.
சென்னை: விஜயகாந்தின் முதலாமாண்டு நினைவு தினத்தையொட்டி, அவரது நினைவிடத்தில் தமிழகத்தின் பல்வேறு பகுதிகளில் இருந்து ஏராளமான பொதுமக்களும், தேமுதிக தொண்டர்களும்…
நியூயார்க்: உலகின் நம்பர்-1 செஸ் வீரரான நோர்வே சதுரங்க கிராண்ட் மாஸ்டர் மேக்னஸ் கார்ல்சன், சர்வதேச செஸ் கூட்டமைப்பு (FIDE)…
சென்னை: பாஜக மாநில தலைவர் அண்ணாமலையின் சாட்டையடி போராட்டம் நடத்தியது போல், நேற்று மாலை நடிகர் கூல் சுரேஷ் தனக்கு…
ஜப்பான்: சுசூகி மோட்டார்ஸ் நிறுவனத்தின் முன்னாள் தலைவர் ஒசாமு சுசூகி (94) காலமானார். லிம்போமா என்ற ஒருவகை புற்றுநோயால் பாதிக்கப்பட்ட…
சென்னை: கேப்டன் என்று அனைவராலும் அன்போடு அழைக்கப்படும் 'விஜயகாந்த்' மறைந்து இன்றுடன் ஓராண்டாகிறது. மறைந்த தேமுதிக தலைவர் விஜயகாந்த் முதலாம்…
டெல்லி: முன்னாள் பிரதமர் மன்மோகன் சிங் உடல்நல குறைவு காரணமாக, நேற்று முன்தினம் காலமானார். இப்பொது மறைந்த மன்மோகன் சிங்…
