#BREAKING : உக்ரைனை சுற்றிவளைத்து தாக்குக – ரஷ்யா உத்தரவு

அனைத்து திசைகளிலும் இருந்து உக்ரைன் மீது தாக்குதல் நடத்த ரஷ்ய ராணுவத்திற்கு, ரஷ்ய அமைச்சரவை உத்தரவிட்டுள்ளது. 

உக்ரைனுக்கும், ரஷ்யாவுக்கும் இடையே நடந்து வரும் போர் உலகம் முழுவதும் பரபரப்பை ஏற்படுத்தி உள்ளது என்று தான் சொல்ல வேண்டும். ரஷ்ய ராணுவம் தொடர்ந்து உக்ரைனுக்குள் நுழைந்து நகரங்களை கைப்பற்றி வருகிறது.  இந்த போரில் ஆயிரக்கணக்கானோர் உயிரிழந்து உள்ளனர். மேலும், அங்கு இணையதள சேவைகளும் முடக்கப்பட்டுள்ளது.

உக்ரைனில் மூன்றாவது நாளாக ரஷ்யா தாக்குதல் நடத்தி வரும் நிலையில், 198 மக்கள் உயிரிழந்துள்ளதாக உக்ரைன் சுகாதாரத்துறை தெரிவித்துள்ளது. ரஷ்யாவின் இந்த செயலுக்கு கண்டனங்கள் வலுத்து வரும் நிலையில், அனைத்து திசைகளிலும் இருந்து உக்ரைன் மீது தாக்குதல் நடத்த ரஷ்ய ராணுவத்திற்கு, ரஷ்ய அமைச்சரவை உத்தரவிட்டுள்ளது.