#BREAKING: பெலாரஸில் ரஷ்யா -உக்ரைன் பேச்சுவார்த்தை..?!

போர் நிறுத்தம் தொடர்பாக பெலாரஸ் நாட்டில் ரஷ்யாவுடன் பேச்சுவார்த்தை நடத்த உக்ரைன் முன்வந்துள்ளதாக ரஷ்ய பத்திரிகைகள் தகவல்.

ரஷ்யா – உக்ரைன் இடையே கடந்த 4 நாட்களாக இடைவிடாத போர் நடந்து வரும் நிலையில், பெலாரஸில் உக்ரைனுடன் பேச்சுவார்த்தைக்கு தயாராக இருப்பதாக ரஷ்யா கூறியது. உக்ரைன் அதிபர் ஜெலன்ஸ்கி பேச்சுவார்த்தைக்கு தயார் என தெரிவித்தார். ஆனால் பேச்சுவார்த்தையை பெலாரஸில் இல்லை என்றும் உக்ரைன் மீது படையெடுக்க பெலாரஸ் இடம் கொடுத்ததால் அங்கு பேச்சுவார்த்தை நடத்தக்கூடாது என கூறினார்.

மேலும், போலந்தின் வார்ஸா, துருக்கியின் இஸ்தான்புல், ஹங்கேரியின் புடாபெஸ்ட் என இந்த நகரங்களில் ஏதேனும் ஒரு இடத்தில் பேச்சுவார்த்தை நடத்தலாம் என்று ஜெலன்ஸ்கி தெரிவித்தார். ரஷ்யா விடுத்த அழைப்பை உக்ரைன் நிராகரித்ததால் போர் தொடர்ந்து நடைபெறுமா ..? என்ற கேள்வி எழுந்தது. இந்நிலையில், பெலாரஸில் போர் குறித்து பேச்சுவார்த்தை நடத்த உக்ரைன் பிரதிநிதிகள் முன்வந்துள்ளதாக ரஷ்ய பத்திரிகைகள் தகவல் தெரிவித்துள்ளனர்.