இலங்கை அணிக்கு புதிய கேப்டன்

by Castro MuruganPosted on July 15, 2017

சாம்பியன்ஸ் டிராபி கிரிக்கெட் தொடரில் இலங்கை அணி லீக் சுற்றுடன் திரும்பியது. இதனையடுத்து, தலைமைப்பயிற்சியாளர் பதவியிலிருந்து கிரகாம் போர்டு விலகினார். இந்நிலையில், இலங்கை வந்த ஜிம்பாப்வே அணி ஒரு நாள் தொடரை 3-2 என கைப்பற்றியது. இந்த அதிர்ச்சியில், மூன்றுவிதமான போட்டிக்கான கேப்டன் பதவியிலிருந்து மாத்யூஸ் விலகினார்.

நேற்று இலங்கை டெஸ்ட் கேப்டனாக சண்டிமால், ஒரு நாள் மற்றும் ‘டுவென்டி-20’ கேப்டனாக உபுல் தரங்கா நியமிக்கப்பட்டனர். இது குறித்து மாத்யூஸ் கூறுகையில்,” கேப்டன் பதவியிலிருந்து விலகுவதற்கு இதுதான் சரியான தருணம். அடுத்த உலக கோப்பை (2019) தொடருக்கு முன், அணியை வலுப்படுத்த புதிய கேப்டனுக்கு அவகாசம் கிடைக்கும்,” என்றார். நாளை ஜிம்பாப்வே அணிக்கு எதிராக துவங்கும் கொழும்பு டெஸ்டில் சண்டிமால் அணியை வழிநடத்த உள்ளார்.